Eks-supracoŭnik «Biełarusnafty», hamialčuk Michaił Łapienas, jaki adbyŭ try hady źniavoleńnia pavodle palityčna matyvavanych artykułaŭ za kamientary ŭ sacsietcy i ŭdzieł u karparatyŭnym čacie, znoŭ abvieščany ŭ vyšuk u Biełarusi, piša «Fłahštok».
Były palitviazień ciapier žyvie ŭ vymušanaj emihracyi ŭ Polščy, a pra toje, što jon znachodzicca ŭ vyšuku sa žniŭnia 2025 hoda, daviedaŭsia vypadkova.
Na Michaiła Łapienasa aformleny aŭtamabil jaki znachodzicca ŭ Biełarusi i jaki jon chacieŭ pieraaformić. Adnak u DAI zajavili, što heta niemahčyma, pakolki ŭładalnik prachodzić jak asoba, jakaja znachodzicca ŭ vyšuku.
Pryčyna abjaŭleńnia ŭ vyšuk Łapienasu nieviadomaja, jak i toje, u čym jaho abvinavačvajuć biełaruskija siłaviki. Pry hetym u aficyjnych bazach vyšuku MUS Biełarusi i Rasii, vykładzienych na sajtach viedamstvaŭ, Michaiła Łapienasa pakul niama.
Pavodle źviestak pravaabaroncaŭ, hamialčuk byŭ zatrymany 12 traŭnia 2021 hoda. Paśla taho jak Michaił całkam adbyŭ termin, jon vyjšaŭ z kałonii ŭ 2023 hodzie, a ŭ 2024 hodzie pierajechaŭ u Polšču. Tut jon pracuje kiroŭcam i zajmajecca pieravozkami pa Polščy i krainach Bałtyi.
«Ci vartyja pryncypy stračanych hadoŭ žyćcia?» Natalla Dulina — pra kałoniju, vysyłku i žyćcio paśla hetaha
Eks-palitźniavolenaja Natalla Padleŭskaja atrymała status prasiciela prytułku ŭ Litvie
Palitviaźnia Paŭła Špietnaha asudzili pavodle novaj kryminalnaj spravy jašče na dva hady źniavoleńnia
Palitźniavolenaha Ihara Alinieviča źmiaścili ŭ PKT
Kamientary