Экс-супрацоўнік «Беларуснафты», гамяльчук Міхаіл Лапенас, які адбыў тры гады зняволення паводле палітычна матываваных артыкулаў за каментары ў сацсетцы і ўдзел у карпаратыўным чаце, зноў абвешчаны ў вышук у Беларусі, піша «Флагшток».
Былы палітвязень цяпер жыве ў вымушанай эміграцыі ў Польшчы, а пра тое, што ён знаходзіцца ў вышуку са жніўня 2025 года, даведаўся выпадкова.
На Міхаіла Лапенаса аформлены аўтамабіль які знаходзіцца ў Беларусі і які ён хацеў перааформіць. Аднак у ДАІ заявілі, што гэта немагчыма, паколькі ўладальнік праходзіць як асоба, якая знаходзіцца ў вышуку.
Прычына аб'яўлення ў вышук Лапенасу невядомая, як і тое, у чым яго абвінавачваюць беларускія сілавікі. Пры гэтым у афіцыйных базах вышуку МУС Беларусі і Расіі, выкладзеных на сайтах ведамстваў, Міхаіла Лапенаса пакуль няма.
Паводле звестак праваабаронцаў, гамяльчук быў затрыманы 12 траўня 2021 года. Пасля таго як Міхаіл цалкам адбыў тэрмін, ён выйшаў з калоніі ў 2023 годзе, а ў 2024 годзе пераехаў у Польшчу. Тут ён працуе кіроўцам і займаецца перавозкамі па Польшчы і краінах Балтыі.
«Ці вартыя прынцыпы страчаных гадоў жыцця?» Наталля Дуліна — пра калонію, высылку і жыццё пасля гэтага
Экс-палітзняволеная Наталля Падлеўская атрымала статус прасіцеля прытулку ў Літве
Палітвязня Паўла Шпетнага асудзілі паводле новай крымінальнай справы яшчэ на два гады зняволення
Палітзняволенага Ігара Аліневіча змясцілі ў ПКТ
Памілаваныя 15 чалавек, сярод якіх 13 палітвязняў15
Каментары