Z Nacyjanalnaha muzieja ŭ Damasku skrali statui časoŭ Rymskaj impieryi
Z Nacyjanalnaha muzieja Damaska byli skradzienyja staražytnyja statui i inšyja artefakty. Pra źniknieńnie ekspanataŭ supracoŭniki muzieja daviedalisia ŭ paniadziełak, 10 listapada, kali zaŭvažyli, što adnyja ź dźviarej byli ŭzłamanyja ź siaredziny, paviedamlaje Ruskaja słužba Bi-bi-si.
Pa danych ahienctva Associated Press sa spasyłkaj na aficyjnych pradstaŭnikoŭ muzieja, źnikli šeść marmurovych statuj epochi Rymskaj impieryi.
Hałoŭnaje ŭpraŭleńnie pa spravach staražytnaściaŭ i muziejaŭ Siryi raspačało rasśledavańnie dla vyśviatleńnia abstavin straty ekspanataŭ i ŭzmacniła sistemy achovy i manitorynhu muzieja.
Kiraŭnik słužby ŭnutranaj biaśpieki pravincyi Damask, bryhadny hienierał Usama Atkie, paviedamiŭ, što siły biaśpieki zajmajucca rasśledavańniem kradziažu, a dla apytańnia byli vyklikanyja achoŭniki muzieja i inšyja asoby.
Nacyjanalny muziej Damaska, zasnavany ŭ 1919 hodzie, zachoŭvaje najbolš kaštoŭnuju archieałahičnuju kalekcyju Siryi. U joj jość hlinianyja klinapisnyja tablički XIV stahodździa da n. e. z Uharyta — źviestki pra samy stary viadomy poŭny ałfavit; hreka-rymskija skulptury I—II stahodździa n. e. z Palmiry — adnaho z hałoŭnych kulturnych centraŭ staražytnaha śvietu; a taksama sinahoha III stahodździa n. e. z Dura-Jeŭropasa.
Muziej doŭhi čas byŭ zakryty. U 2012 hodzie, praz hod paśla pačatku hramadzianskaj vajny ŭ Siryi, jon prypyniŭ pracu, bolšaja častka kalekcyi była evakujavanaja. U 2018 hodzie muziej častkova adkryŭsia, a poŭnaściu adnaviŭ pracu tolki ŭ studzieni 2025 hoda paśla źmieny režymu Bašara Asada.
Usie šeść abjektaŭ Suśvietnaj spadčyny JUNIESKA ŭ Siryi paciarpieli abo byli častkova źniščanyja padčas hramadzianskaj vajny. Terarystyčnaja hrupoŭka «Isłamskaja dziaržava» vybuchami źniščyła niekalki chramaŭ u Palmiry, nazyvajučy ich «idałapakłonstvam», što JUNIESKA rascaniła jak vajennaje złačynstva. Mnohija artefakty ŭ muziejach i na pomnikach taksama byli źniščanyja abo skradzienyja.
U Nacyjanalnym mastackim muziei vystava da 120‑hodździa Andreja Biembiela, zasnavalnika biełaruskaj škoły skulptury
Fanaty Tejłar Śvift navadnili muziej u Hiermanii, kab pabačyć karcinu, da jakoj śpiavačka zrabiła adsyłku ŭ svaim novym klipie
U Nacyjanalnaha mastackaha muzieja novaja dyrektarka. Minułaj była niezadavolenaja Piatkievič
Parolem ad kamier videanazirańnia ŭ abrabavanym Łuŭry było słova «Łuŭr»
«Drobnyja zładziužki». Rabavańnie Łuŭra ździejśnili žychary biednaha pryharada Paryža
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary