U Hrecyi padpisali dekłaracyju ab namierach pamiž hrečaskaj DEPA Emporia i ŭkrainskim «Naftahazam» ab pastaŭkach amierykanskaha ZPH (zvadkavanaha pryrodnaha hazu) va Ukrainu praz Hrecyju.
Pahadnieńnie praduhledžvaje, što haz budzie transpartavacca sa śniežnia 2025 hoda pa sakavik 2026 hoda z metaj zabieśpiačeńnia enierhijaj Kijeva na praciahu budučaj zimy, paviedamlaje Euronews.
Heta najvažniejšy ŭniosak u rehijanalnuju i jeŭrapiejskuju enierhietyčnuju biaśpieku i ŭstojlivaść, zajavili ŭradavyja krynicy.
Zvadkavany pryrodny haz budzie rehazifikavacca ŭ Revitusie, a zatym impartavacca ŭ trubapravodnuju sistemu «Viertykalny kalidor».
Śpiecyjalny pradukt («Maršrut 1») dla transpartavańnia z Hrecyi va Ukrainu ŭžo aktyvavany z kanca kastryčnika. «Maršrut 1», jaki ŭžo atrymaŭ adabreńnie rehulavalnych orhanaŭ, pačynajecca ad ZPH-terminała ŭ Revitusie.
Apieratary (DESFA dla Hrecyi, Bulgartransgaz, Transgaz, VestMoldTransgaz i ŭkrainskaja GTSOU) niadaŭna skaardynavali svaje dziejańni, kab prapanavać hety maršrut. Tendar pravodzicca na štomiesiačnaj asnovie.
Haz budzie prachodzić praz Bałharyju, Rumyniju, Małdovu, Ukrainu, heta značyć pa «ŭschodniaj vosi» Viertykalnaha kalidora. Pradukt «Maršrut 1» byŭ raspracavany mienavita dla hetaha kirunku.
Vitajučy prezidenta Ukrainy (Uładzimir Zialenski ciapier z rabočym vizitam u Afinach), premjer-ministr Hrecyi Kiryjakas Micatakis, u pryvatnaści, skazaŭ: «Ukraina moža raźličvać na stabilnuju padtrymku. My padpišam važnyja pahadnieńni datyčna pastavak pryrodnaha hazu va Ukrainu z Hrecyi. My, pa sutnaści, aktyvizujem Viertykalny kalidor i sprabujem zabiaśpiečyć dastaŭku hazu ŭ vašu krainu padčas hetaj składanaj zimy».
U svaju čarhu, Uładzimir Zialenski padziakavaŭ hrečaskamu boku, nahadaŭšy pra krytyčny momant, kali va Ukrainie čakajecca składanaja zima. «Hetaja padtrymka vielmi važnaja va ŭmovach budučaj ciažkaj zimy, kali štodnia adbyvajucca napady na hramadzianskaje nasielnictva», — skazaŭ jon.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary
[Zredahavana]