У Грэцыі падпісалі дэкларацыю аб намерах паміж грэчаскай DEPA Emporia і ўкраінскім «Нафтагазам» аб пастаўках амерыканскага ЗПГ (звадкаванага прыроднага газу) ва Украіну праз Грэцыю.
Пагадненне прадугледжвае, што газ будзе транспартавацца са снежня 2025 года па сакавік 2026 года з мэтай забеспячэння энергіяй Кіева на працягу будучай зімы, паведамляе Euronews.
Гэта найважнейшы ўнёсак у рэгіянальную і еўрапейскую энергетычную бяспеку і ўстойлівасць, заявілі ўрадавыя крыніцы.
Звадкаваны прыродны газ будзе рэгазіфікавацца ў Рэвітусе, а затым імпартавацца ў трубаправодную сістэму «Вертыкальны калідор».
Спецыяльны прадукт («Маршрут 1») для транспартавання з Грэцыі ва Украіну ўжо актываваны з канца кастрычніка. «Маршрут 1», які ўжо атрымаў адабрэнне рэгулявальных органаў, пачынаецца ад ЗПГ-тэрмінала ў Рэвітусе.
Аператары (DESFA для Грэцыі, Bulgartransgaz, Transgaz, VestMoldTransgaz і ўкраінская GTSOU) нядаўна скаардынавалі свае дзеянні, каб прапанаваць гэты маршрут. Тэндар праводзіцца на штомесячнай аснове.
Газ будзе праходзіць праз Балгарыю, Румынію, Малдову, Украіну, гэта значыць па «ўсходняй восі» Вертыкальнага калідора. Прадукт «Маршрут 1» быў распрацаваны менавіта для гэтага кірунку.
Вітаючы прэзідэнта Украіны (Уладзімір Зяленскі цяпер з рабочым візітам у Афінах), прэм'ер-міністр Грэцыі Кірыякас Міцатакіс, у прыватнасці, сказаў: «Украіна можа разлічваць на стабільную падтрымку. Мы падпішам важныя пагадненні датычна паставак прыроднага газу ва Украіну з Грэцыі. Мы, па сутнасці, актывізуем Вертыкальны калідор і спрабуем забяспечыць дастаўку газу ў вашу краіну падчас гэтай складанай зімы».
У сваю чаргу, Уладзімір Зяленскі падзякаваў грэчаскаму боку, нагадаўшы пра крытычны момант, калі ва Украіне чакаецца складаная зіма. «Гэтая падтрымка вельмі важная ва ўмовах будучай цяжкай зімы, калі штодня адбываюцца напады на грамадзянскае насельніцтва», — сказаў ён.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары
[Зрэдагавана]