Sioleta čakajecca bolš za 200 zajavak, i meta kampanii — sabrać 20 000 jeŭra, što dazvolić vypłacić pa 100 jeŭra na kožnaje dzicia.
Zajaŭki prymajucca anłajn da 21 śniežnia, vypłaty buduć ažyćciaŭlacca pa miery pastupleńnia srodkaŭ.
Zbor pryznačany dla taho, kab siemji palitźniavolenych mahli stvaryć dzieciam adčuvańnie śviata i atrymać dadatkovuju padtrymku ŭ pieryjad, jaki asabliva baluča adčuvajecca praz adsutnaść rodnych.
«Bajsoł» prymaje achviaravańni ŭ luboj valucie, apłata mahčymaja kartkaj i praz PayPal.
BYSOL prymaje zajaŭki ad siemjaŭ, jakija paciarpieli ad represij, i ad tych, chto ciapier dahladaje dziaciej palitźniavolenych. Na kožnaje dzicia da 16 hadoŭ praduhledžanaja vypłata 100 jeŭra.
Zajaŭki prymajucca jak unutry Biełarusi, tak i za jaje miežami. Padać zajaŭku mohuć:
— siemji palitźniavolenych ź dziećmi, dzie adzin abo abodva baćki znachodziacca ŭ źniavoleńni nie mienš za try miesiacy, uklučajučy «chimiju»;
— byłyja palitźniavolenyja ź dziećmi;
— baćki, jakija adbyvajuć «chatniuju chimiju», kali jany majuć invalidnaść, źjaŭlajucca piensijanierami abo vychoŭvajuć dziaciej da troch hadoŭ.
Vypłaty buduć ažyćciaŭlacca pa miery pastupleńnia srodkaŭ i ŭ paradku čarhovaści da poŭnaha vydatkavańnia biudžetu kampanii.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary