Viarchoŭnyja vajskovyja ŭłady Sudana prapanavali Rasii pahadnieńnie, jakoje, kali budzie realizavana, dazvolić joj mieć pieršuju vajskova-marskuju bazu ŭ Afrycy i kantralavać važnyja handlovyja šlachi Čyrvonaha mora. Pra heta sudanskija čynoŭniki raskazali The Wall Street Journal.
Pavodle ŭmovaŭ prapanavanaha pahadnieńnia, Rasija zmoža raźmiaścić da 300 svaich vajskoŭcaŭ i da čatyroch vajskovych karabloŭ, uklučajučy atamnyja, u Port-Sudanie abo inšym miescy, karystajučysia terytoryjaj na praciahu 25 hadoŭ. Akramia taho, Sudan hatovy adkryć dostup da zdabyčy karysnych vykapniaŭ dla rasijskich kampanij.
Uzamien ułady krainy, jakaja z 2023 hoda achoplenaja hramadzianskaj vajnoj, raźličvajuć atrymać ad Rasii sučasnyja sistemy SPA i inšaje ŭzbrajeńnie na lhotnych umovach. Jak adznačaje WSJ, Maskva ŭžo piać hadoŭ imkniecca atrymać pastajanny dostup da Port-Sudana, ale sudanski ŭrad da hetaha času ŭstrymlivaŭsia ad poŭnaha pahadnieńnia.
Ideja stvareńnia rasijskaj bazy na sudanskim uźbiarežžy abmiarkoŭvajecca z 2017 hoda. U 2020 hodzie baki padpisali pahadnieńnie ab raźmiaščeńni punkta materyjalna-techničnaha zabieśpiačeńnia VMF Rasii, ale pastavak uzbrajeńnia tady nie praduhledžvałasia. U lutym 2025 hoda ministr zamiežnych spraŭ Sudana zajaviŭ pra poŭnaje parazumieńnie bakoŭ pa stvareńni bazy, ale ŭ listapadzie rasijski pasoł paviedamiŭ, što vajskovy kanflikt u krainie prypyniŭ hetaje budaŭnictva.
Kali pahadnieńnie budzie realizavana, Rasija ŭmacuje svaje pazicyi ŭ Afrycy i atrymaje stratehičnyja pieravahi. Heta vyklikaje zakłapočanaść u ZŠA, jakija imknucca nie dapuścić kantrolu Rasii i Kitaja nad afrykanskimi partami. Baza ŭ Čyrvonym mory dazvolić rasijskim karablam daŭžej znachodzicca ŭ Mižziemnym mory i Indyjskim akijanie, a taksama sačyć za rucham praz Suecki kanał, što składaje kala 12% suśvietnych handlovych pieravozak.
Sudanskija krynicy adznačajuć, što supracoŭnictva z Maskvoj moža ŭskładnić Sudanu adnosiny z ZŠA i ES. Raniej Chartum admoviŭsia ad prapanovy Irana stvaryć u krainie vajskova-marskuju bazu, kab nie sapsavać adnosiny z ZŠA i Izrailem.
U Sudanie paŭstancy źbili samalot ź biełaruskim vajskovym lotčykam. Voś što pra jaho viadoma
U Sudanie paŭstancy pahadzilisia na humanitarnaje pieramirje pa prapanovie ZŠA i arabskich krain. Urad suprać
«Rasija padobnaja da vady». Jak rasijskaja prapahanda nieprykmietna zavajoŭvaje aŭdytoryju ŭ Afrycy i Łacinskaj Amierycy
U Sudanie źbili samalot Arabskich Emirataŭ ź dziasiatkami kałumbijskich najmitaŭ na borcie
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary
Mienš hrošaj u rasiei - dzie minusy?
A što tam čyrvonaje mora kantralavać, jano ž vuzkaje. Vuń chusity taksama kantralujuć - i jak im tam žyviecca?