У Мінску зацвердзілі праграму навагодніх святкаванняў: гулянні да 4‑й раніцы
Мінгарвыканкам абвясціў праграму навагодніх і калядных святочных мерапрыемстваў, якія пройдуць у сталіцы. Культурныя лакацыі будуць працаваць ва ўсіх раёнах горада, паведамляе Мінгарвыканкам.
15 снежня, папярэдне ў 17:00, на Кастрычніцкай плошчы адбудзецца ўрачыстае запальванне галоўнай ёлкі і святочнай ілюмінацыі.
Пляцоўка каля Палаца спорту
З 25 снежня па 7 студзеня кожны вечар у 19:00 будзе пачынацца казка «Таямніца навагодняй паштоўкі».
Верхні горад (пл. Свабоды)
З 25 снежня па 4 студзеня штодзённа ў 17:30 і 20:00 будуць ладзіць паказы «Сакрэты навагодняга настрою».
Ракаўскі дворык
Канцэртныя праграмы чакаюцца на працягу ўсяго святочнага перыяду.
Лошыцкі гісторыка-культурны комплекс
Канцэрты будуць праходзіць кожную суботу, пачынаючы з 20 снежня, з 18:00 да 20:00.
У навагоднюю ноч у сталіцы запрацуюць больш за 20 святочных пляцовак ва ўсіх раёнах горада, якія будуць дзейнічаць прыкладна да 3:00 1 студзеня.
Асноўныя гулянні на агульнагарадской пляцоўцы каля Палаца спорту працягнуцца да 4:00 1 студзеня. Тут выступяць вядомыя артысты, маладыя выканаўцы і творчыя калектывы.
Акрамя таго, 1 студзеня ўвечары, з 20:00 да 23:00, каля Палаца спорту пройдзе маштабная дыскатэка.
Цяпер чытаюць
Што Бабарыка і Калеснікава адказалі на пытанні пра вайну97
Каментары