Futbalista, jaki asudžaŭ hvałt u 2020‑m i napad na Ukrainu, prymusili za heta kajacca
Futbalist małdaŭskaha «Zimbru» Mikałaj Zołataŭ, jakomu ministr sportu i turyzmu Siarhiej Kavalčuk raniej zabaraniŭ vystupać u čempijanacie Biełarusi za asudžeńnie hvałtu siłavikoŭ u 2020 hodzie i asudžeńnie vajny va Ukrainie, daŭ intervju haziecie «Priessboł», u jakim kajecca za svaje raniejšyja «pamyłki».
U intervju Zołataŭ zajaŭlaje pra svajo žadańnie viarnucca ŭ biełaruskuju zbornuju, a najpierš, vidać, u biełaruski čempijanat. Dziela hetaha jon asudžaje siabie raniejšaha:
«Šmat niapravilnaha i niepatrebnaha było skazana mnoju na emocyjach u minułyja hady, za što ja ščyra raskajvajusia».
Adnačasova jon asudžaje i abmiežavańni, nakładzienyja na biełaruski futboł paśla taho, jak Rasija pry padtrymcy režymu Łukašenki raspačała ŭ lutym 2022 hoda paŭnamaštabnuju vajnu suprać Ukrainy:
«Niespraviadliva, kali chtości zavodzić razmovu ab poŭnym adchileńni našaj kamandy ad mižnarodnych turniraŭ. Na terytoryi Biełarusi nie adbyvajecca bajavych dziejańniaŭ, jak, naprykład, u Izraili, i takoje staŭleńnie — pieraduziataje. Ale rana ci pozna zabarony buduć źniatyja i zbornaja Biełarusi znoŭ atrymaje prava pravodzić chatnija matčy na svaim stadyjonie».
31‑hadovy abaronca Mikałaj Zołataŭ u svoj čas hulaŭ za zbornuju Biełarusi, pravioŭ za jaje 14 matčaŭ u 2019‑2021 hadach.
Z 2020 da 2024 hoda jon vystupaŭ za miažoj (Rasija, Ukraina, Francyja, Kazachstan). Ale ŭ lipieni 2024‑ha niečakana papoŭniŭ šerahi viciebskaha pryvatnaha kłuba «Maksłajn». Kantrakt ź viciebskim kłubam tady druhoha dyvizijona byŭ padpisany da kanca 2024 hoda, ale paśpieŭ za jaho futbalist pravieści ŭsiaho čatyry matčy.
Z 5 žniŭnia 2024‑ha hulec pierastaŭ nie toje što vychodzić na pole, ale navat traplać u zajaŭku na matčy, choć usie čatyry vyšejzhadanyja hulni adhulaŭ ad śvistka da śvistka. Jak tady daviedałasia «Trybuna», Zołataŭ nie hulaŭ na patrabavańnie Kavalčuka. U kancy lipienia viciebskamu kłubu było paviedamlena pra toje, što jon nie moža vykarystoŭvać futbalista, jaki «raniej vykazvaŭ niezadavolenaść dziejnaj uładaj Biełarusi».
Taksama, sa słoŭ krynic, jakija znajomyja ź situacyjaj, čynoŭniku nie spadabałasia, što Zołataŭ raniej asudžaŭ vajnu va Ukrainie.
Jašče tady vykazvałasia mierkavańnie, što ad Zołatava zapatrabujuć «ščyraha raskajańnia» ŭ abmien na mahčymaść dalej hulać u Biełarusi ŭ futboł. Ale tady jon na heta nie pajšoŭ, a ŭ hetym hodzie pajechaŭ hulać u małdaŭski «Zimbru». Što prymusiła navažycca na pakajańnie mienavita ciapier — možna tolki zdahadvacca.
Ministr sportu Kavalčuk zabaraniŭ hulać u futboł eks-abaroncu zbornaj Biełarusi
Jak biełaruskija futbalisty biahuć za doŭhim rublom u blizkaje (i dalokaje) zamiežža. I kolki tam zarablajuć
«Dapamahaju Ukrainie jak mahu. Kali ni ŭ što nie vieryć, našto tady žyć?» — biełaruski futbalist Zołataŭ
Hulec zbornaj Biełarusi pa futbole: «U Biełarusi ciapier my takija achviarnyja kazły. Nichto za nas nie zaŭzieje»
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj86
Kamientary
A čto tut dohadyvaťsia?! Futbolist iz nieho nikakoj, ni tałanta, ni charizmy. Jeśli by on iz siebia čto-to priedstavlał, to užie davno propisałsia by v jevropiejskom kłubie. A tak - vykinuli pod sraku iz Jevropy i pripołz proŝienija k šajkie prosiť. Etim on pokazał, čto u nieho vdobavok i principov niet.