Ekanamistku z «Armteka», jakaja pierajšła ŭ IT i dapamahała biazdomnym žyviołam, asudzili pa spravie Hajuna
Karyna Barduchaj rabiła paśpiachovuju karjeru ŭ IT i łahistycy, a ŭ volny čas ratavała sabak. Ale niadaŭna dziaŭčynu asudzili za «sadziejničańnie ekstremizmu».
Karynie Barduchaj 30 hadoŭ, jana ź Minska. Dziaŭčyna skončyła BDUIR pa śpiecyjalnaści «Infarmacyjnyja sistemy i technałohii ŭ ekanomicy».
Jašče studentkaj BDUIR jana pačynała pracu ŭ 2013 hodzie apierataram na MAZie, paźniej pracavała mierčandajzieram i redaktaram sajtaŭ, paralelna asvojvajučy buchhałteryju. U 2018‑m Barduchaj pierajšła ŭ kampaniju «Armtek» — heta adzin z najbujniejšych pastaŭščykoŭ aŭtazapčastak u krainie. Za piać hadoŭ dziaŭčyna vyrasła ad šerahovaha ekanamista da viadučaha śpiecyjalista i ekśpierta ŭ sistemie SAP.
Apošni hod pierad aryštam Karyna pracavała biznes-analitykam u «1SSoftServis»: pravodziła vorkšopy dla klijentaŭ, pisała techničnyja zadańni i kiravała kamandaj raspracoŭki. Miarkujučy z vodhukaŭ u Linkedin, kalehi canili jaje za ŭmieńnie pierakładać składanyja zapyty biznesu na zrazumiełuju movu prahramistaŭ.
Jana nie prosta vałancioryła z žyviołami, a brałasia za składanyja vypadki. Karyna vychodžvała sabak z prablemami pavodzin, šukała im pieratrymku i novy dom. U sacsietkach zachavalisia jaje šmatlikija dopisy pra pošuk kvater, kudy puściać z hadavancami, i historyi pra ŭratavanaha joju psa Oskara. Taksama dziaŭčyna zachaplajecca fatahrafijaj, tancami i konnym sportam.
Karynu sudzili ŭ Homielskim abłasnym sudzie. Joj inkryminavali častki 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści». Padrabiaznaści spravy nieviadomyja, ale čaściej za ŭsio pa hetym artykule sudziać za napisańnie ŭ čat-bot kanała «Biełaruski Hajun».
Dakładny termin, vyniesieny Barduchaj, nieviadomy, ale jana atrymała chimiju z nakiravańniem.
«Naša Niva» — bastyjon biełaruščyny
PADTRYMAĆ
Kamientary
Čorhovaja achviara złačynnaha režymu jakaja nie źlejśniła nijakaha złačynstva, niemaje nijakaj viny akramia toj što maje sumleńnie, dušu, rozum, čałaviečnaść.
Čałaviek ź vialikim, čystym, śvietłym, dobrym sercam i sumleńniem.
Heia złačynstva suprać moładzi.
Złačynstva suprać nacyi.
Złačynstva suprać biełaruskaha narodu.
Złačynstva suprać čałaviečnaści jakoje ździejśnili karniki i jakoje nie maje terminu daŭniny.
Ŭsie nijak nie supakojacca dziela svaich "pałak", pakazčykaŭ, raźličvajučy na svai pačvarnyja i kryvavyja zvańnia, zarobki, premii, za košt kryvi i ślez ludziej, vyniščeńnia biełaruskaj nacyi.
Ŭsie karniki zasłuhoŭvajuć adkaznaść za złačynstvy suprać čałaviectva, pazbaŭleńnia ich haniebnych zvańniaŭ i piensij. Nivodnamu karniku nie pavinien być zaličany tak zvany staž z 2020 hodu. Poŭnaje pazvałkńnie piensij i zvańniaŭ z pačvarnymi ŭznaharodami i terminam za złačynstva suprać čałaviectva jakoje nie maje terminu daŭniny.