Dziaŭčyna kupiła ŭ «Jeŭraopcie» na vulicy Burdziejnaha, 11, bułačku, ź jakoj vypali dva mietaličnyja šaryki.
Fota ź niezvyčajnaj znachodkaj jana apublikavała ŭ sacsietkach. Jak na hetuju i inšyja skarhi pakupnikoŭ adreahavali sansłužby i kiraŭnictva handlovaj sietki, raskazali Minsk-naviny.
Na niepryjemnuju znachodku ŭ ježy ŭ vyhladzie kavałačkaŭ mietału minčanka paskardziłasia ŭ sacsietcy Threads.
«Ščyra, była ŭ šoku: hetyja dva mietaličnyja šaryki vypali siońnia z bułački z karycaj. Spačatku padumała, što, moža, heta pierac, ale potym adzin upaŭ i pakaciŭsia sa hukam — i stała zrazumieła, što heta nie pierac. Vielmi padobna na šaryki ad padšypnika», — napisała dziaŭčyna.
Pradstaŭniki handlovaj sietki «Jeŭraopt» apieratyŭna adreahavali ŭ kamientaryjach i paabiacali pravieści słužbovuju pravierku. Pra jaje vyniki pakul nie paviedamlajecca, ale vypadak pryciahnuŭ uvahu daktaroŭ-hihijenistaŭ, jakija 23 sakavika pravieryli situacyju ŭ kramie.
Pa vynikach pravierki abstalavańnie kandytarskaha cecha było pryznana spraŭnym. Adnak dla nadziejnaści śpiecyjalisty vyklikali techničnuju hrupu dla aficyjnaha zaklučeńnia.
Razam z tym u kramie vyjavili parušeńni sanitarnaha zakanadaŭstva. Za heta da adkaznaści pryciahnuć słužbovuju asobu.
Ciapier čytajuć
Aryštavany 75‑hadovy Źmicier Sańko — vieteran-vydaviec1
Kamientary