Supracoŭnika HUBAZiKa pasadzili za karupcyju. U kałonii jon trapiŭ u adzin atrad z palityčnymi
Były supracoŭnik HUBAZiK Stanisłaŭ Kruk asudžany pa karupcyjnym artykule i adbyvaje pakarańnie ŭ PK-3 Viciebska. Pra zatrymańnie i sud nad eks-siłavikom publična nie paviedamlałasia. Byłyja źniavolenyja raskazali vydańniu «Lusterka» padrabiaznaści znachodžańnia Kruka ŭ kałonii.
Z MUS u PK-3
Stanisłavu Kruku 33 hady. U minułym jon značyŭsia ŭ śpisach supracoŭnikaŭ HUBAZiK, vyśvietliła «Lusterka» pry dapamozie arhanizacyi Belpol. Jak doŭha jon tam pracavaŭ i čym kankretna zajmaŭsia — nieviadoma.
Da hetaha na praciahu niekalkich hadoŭ Kruk pracavaŭ inśpiektaram u adździele pa hramadzianstvie i mihracyi Pieršamajskaha RUUS Minska. U studzieni 2020 hoda jon pradstaŭlaŭ hetu arhanizacyju na sustrečy sa studentami Biełaruskaha dziaržaŭnaha ahrarna-techničnaha ŭniviersiteta (BDATU).
Pra zatrymańnie Kruka i sud nad im publična nie paviedamlałasia. U jaho akaŭnt VK nichto nie zachodziŭ z červienia 2023 hoda. Padrabiaznaściaŭ pra spravu eks-siłavika mała. Byłyja palitviaźni, jakija pierasiakalisia ź im za kratami, zhadvali karupcyjnyja artykuły. Adzin ź ich nazvaŭ termin — dzieviać hadoŭ.
Vosieńniu 2023 hoda Kruk trapiŭ u atrad papraŭčaj kałonii № 3 u Viciebsku. Z studzienia 2024 hoda PK-3 stała značycca miescam jaho pracy, vynikaje z aficyjnych danych, atrymanych «Lusterkam» pry dapamozie «Kibierpartyzan».
«Anu pasprabuj mianie pabi prosta zaraz»
Pavodle słoŭ adnaho z byłych źniavolenych, u kałonii «ŭvieś atrad viedaŭ», što Kruk z HUBAZiK. Užo ŭ pieršyja dni heta ledź nie stała pryčynaj sutyčki, raskazała inšaja krynica. Tady adzin z palityčnych źviarnuŭsia da eks-siłavika z pytańniem: «Źviazanych ludziej bić było dobra? Anu pasprabuj mianie pabi prosta zaraz». Mužčyny rušyli adzin na adnaho, adnak inšyja źniavolenyja ŭmiašalisia i raściahnuli ich.
Za kratami Kruk ź pieršych dzion pačaŭ supracoŭničać z administracyjaj kałonii: «Adrazu ŭ aktyŭ, adrazu zavierbavaŭsia da opieraŭ». Davoli chutka eks-siłavik staŭ bryhadziram «razborki» — pradpryjemstva pa razborcy mietału, dzie prymusova pracujuć źniavolenyja. Taksama jon vykonvaŭ funkcyi dniavalnaha ŭ svaim atradzie.
«Samaje pahanaje ŭ im, što jon jašče nie razumieje, što jon vykinuty ź sistemy i jamu treba pierabudoŭvacca. Trymaje siabie fanaberysta ŭ adnosinach da palityčnych. Vidać, što narabiŭ spraŭ u 2020-m, choć kaža, što jurystam byŭ, nibyta zvyčajnym», — raskazaŭ «Lusterku» były palitviazień Ihar.
Pa słovach tych, chto vyzvaliŭsia z PK-3, Kruk «zdavaŭ usich». U atradzie heta razumieli i nie asabliva lubili eks-siłavika. Dva čałavieki zhadali družalubnyja kroki i repliki ź jaho boku, ale pry hetym charaktaryzavali jaho jak čałavieka «biespryncypovaha» i «niebiaśpiečnaha».
Viktoryja Kulša: Rečyckaja kałonija — heta piekła
Mužčyna ŭciahnuŭ HUBAZiK u siamiejny kanflikt, sprabujučy pasadzić maci svajho syna za «ekstremizm»
«Budzieš admaŭlacca — pajedzieš u SIZA». Jak u Biełarusi źbirajuć na «dabračynnaść» z zatrymanych pa palityčnych spravach
Padstaŭnyja spatkańni i abłavy: jak u Biełarusi ckavali ŁHBT u 2025 hodzie
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie29
Kamientary