Jemienskija chusity vystavili ŭltymatum Trampu: jany pahražajuć zakryć jašče adzin klučavy marski praliŭ
Namieśnik ministra zamiežnych spraŭ urada chusitaŭ u Jemienie pryhraziŭ poŭnym zakryćciom Bab-el-Mandebskaha praliva. Hety ŭltymatum vysunuty prezidentu ZŠA Donaldu Trampu ŭ adkaz na «palityku, jakaja pieraškadžaje miru». Zajava prahučała na fonie abvastreńnia situacyi ŭ inšym klučavym pralivie rehijona — Armuzskim.
Jak paviedamlaje vydańnie «Nastojaŝieje Vriemia», namieśnik kiraŭnika MZS chusickaha ŭrada Chusiejn al-Ezi zrabiŭ žorstkuju zajavu. Pavodle jaho słoŭ, kali takoje rašeńnie budzie pryniata, to «ŭsio čałaviectva i džyny apynucca całkam biaśsilnymi jaho adkryć».
«Tamu Trampu — i krainam, jakija jamu paturajuć — lepš za ŭsio nieadkładna pakłaści kaniec palitycy, jakaja pieraškadžaje miru, i prajavić pavahu da pravoŭ našaha naroda i krainy», — zajaviŭ al-Ezi.
Bab-el-Mandebski praliŭ złučaje Čyrvonaje mora z Adenskim zalivam i źjaŭlajecca adnoj z najvažniejšych transpartnych arteryj śvietu. Praź jaho prachodzić kala 12% usioj marskoj transparciroŭki nafty i 8% suśvietnaha zvadkavanaha pryrodnaha hazu. Padtrymanaja Iranam hrupoŭka «Ansar Ałach», bolš viadomaja jak chusity, kantraluje značnuju častku Jemiena, uklučajučy stalicu krainy Sanu, što daje joj mahčymaść upłyvać na sudnachodstva ŭ pralivie.
Hetaja pahroza prahučała na fonie eskałacyi napružanaści vakoł inšaha stratehičnaha maršrutu — Armuzskaha praliva, praź jaki prachodzić bolš za 20% suśvietnych pastavak nafty i ZPH. 17 krasavika, paśla dasiahnieńnia damoŭlenaści ab spynieńni ahniu pamiž Izrailem i Livanam, Iran abviaściŭ ab adkryćci praliva. Adnak užo na nastupny dzień Tehieran znoŭ zakryŭ jaho, patłumačyŭšy heta tym, što ZŠA nie spynili marskuju błakadu iranskich partoŭ. U toj ža dzień stała viadoma, što jak minimum dva handlovyja sudny byli abstralanyja pry sprobie pierasiekčy Armuzski praliŭ.
-
«Spynić situacyju, kali ludzi znachodziacca na ŭtrymańni dziaržavy ad samaha pryjezdu». Irłandyja prapanuje ŭkraincam «ščodryja» vypłaty za viartańnie dadomu
-
Praz kanflikt z Papam Rymskim Tramp pačaŭ stračvać padtrymku vybarščykaŭ. U Vašynhtonie zahavaryli pra prymireńnie
-
U Tomsku źnieśli pomnik represavanym: siarod ich byli departavanyja ź Biełarusi palaki, a taksama biełarusy, jakich prymušali źmianiać nacyjanalnaść
Ciapier čytajuć
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było60
Kamientary
A tiepieŕ jeho pinajut i Iran, i chusity i dažie Łukašienko.
Potomu čto chotia on i možiet dovolno taki bolno ukusiť, no jeśli eto nie priniesło bystroj pobiedy, to on srazu žie vklučajet TACO.