«Spynić situacyju, kali ludzi znachodziacca na ŭtrymańni dziaržavy ad samaha pryjezdu». Irłandyja prapanuje ŭkraincam ščodryja vypłaty za viartańnie dadomu
Urad Irłandyi rychtuje maštabnyja źmieny ŭ palitycy ŭ dačynieńni da ŭkrainskich biežancaŭ. Na praciahu hoda płanujecca spynić usie kantrakty na pradastaŭleńnie biaspłatnaha žylla, a samim ukraincam prapanavać finansavy pakiet dla dobraachvotnaha viartańnia na radzimu. Hetyja miery źviazanyja z zakančeńniem dziejańnia Dyrektyvy ab časovaj abaronie i imknieńniem urada źnizić nahruzku na biudžet.
Jak paviedamlaje The Sunday Times, urad Irłandyi pačaŭ abmierkavańnie značnych źmianieńniaŭ u svajoj palitycy ŭ dačynieńni da ŭciekačoŭ z Ukrainy. Ministry razhladajuć dva varyjanty: albo poŭnaje spynieńnie dziejańnia dyrektyvy, albo abmiežavańnie padtrymki vyklučna dla tych, chto prybyvaje z najbolš paciarpiełych rehijonaŭ Ukrainy.
Dziaržaŭny ministr pa pytańniach mihracyi Kołm Brofi zajaviŭ, što ŭrad maje namier na praciahu nastupnych 12 miesiacaŭ skasavać kantrakty na pradastaŭleńnie žylla dla 16 000 ukraincaŭ.
«Heta toje, što my sapraŭdy chočam spynić, — skazaŭ Brofi. — My chočam spynić situacyju, pry jakoj 16 000 čałaviek, jakija prybyli ŭ samym pačatku, faktyčna ŭtrymlivajucca dziaržavaj z momantu ich pryjezdu. My b vyjšli z hetaha. Bo nivodnaja inšaja kraina ES takoha nie zabiaśpiečvaje».
Pavodle jaho słoŭ, hetyja ludzi buduć vymušanyja pakinuć žyllo, bo ŭrad spynić dziejańnie kantraktaŭ. «I terminy tut majuć vyrašalnaje značeńnie. U nas jość vyrazny napramak. Ja chaču, kab hety hrafik byŭ vykanany na praciahu nastupnych 12 miesiacaŭ», — padkreśliŭ ministr.
Adnačasova z hetym čynoŭniki raspracoŭvajuć palityku viartańnia, jakaja budzie praduhledžvać finansavuju padtrymku dla ŭkraincaŭ, što pahodziacca viarnucca dadomu. Na pytańnie pra pamier takich vypłat Brofi adkazaŭ, što jany buduć supastaŭnyja z toj dapamohaj, jakuju ŭkraincy atrymlivali pry pieršym prybyćci ŭ Irłandyju.
«Maje sens mieć ščodry adkaz na toje, kab dać ludziam mahčymaść viarnucca, praparcyjny toj ščodraści, ź jakoj my dapamahali im pryjechać da nas u pieršuju čarhu», — zajaviŭ jon.
Dla paraŭnańnia, ciapier asoby, jakija šukajuć prytułku, mohuć atrymać da 2 500 jeŭra na čałavieka ci da 10 000 jeŭra na siamju dla viartańnia ŭ krainu pachodžańnia.
Ź lutaha 2022 hoda Irłandyja pradastaviła časovuju abaronu bolš čym 125 000 čałaviek z Ukrainy. Urad taksama vypłaciŭ bolš za 438 miljonaŭ jeŭra haspadaram, jakija prymali ŭ svaich damach kala 64 000 biežancaŭ. Pamier štomiesiačnych vypłat, jaki spačatku składaŭ 400 jeŭra, a potym byŭ padvojeny, ciapier składaje 600 jeŭra, i ŭrad płanuje źnizić jaho nazad da 400 jeŭra, a ŭ budučyni — całkam skasavać.
«Heta hrošy padatkapłacielščykaŭ, i ja chaču bačyć efiektyŭnaje ich vykarystańnie, — padkreśliŭ Brofi. — Ja liču, što kali supolnaść ci asobny čałaviek mohuć zabiaśpiečvać siabie sami, to ja nie baču, čamu my jak padatkapłacielščyki pavinny vydatkoŭvać miljony, miljony i miljony. Hetaha nie robicca ŭ inšych jeŭrapiejskich krainach».
Dziejańnie Dyrektyvy ab časovaj abaronie, jakoje zabiaśpiečvała šyrokuju padtrymku ŭkraincam, musić skončycca ŭ sakaviku 2027 hoda.
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary
Niepravda, v Hiermanii počti to žie: biespłatnoje žilje i 563 Euro v miesiac. No imienno potomu eto nado priekratiť, čtoby chalavŝiki so vsiej jevropy nie sjechaliś v Hiermaniju ili Irłandiju: kakoj smysł vkałyvať v Polšie, jeśli tie žie dieńhi možno nie rabotaja połučať v Hiermanii ili Irłandii?
Soramna za Takich ukraincaŭ!