U dziciačym charčavańni adnaho ź jeŭrapiejskich vytvorcaŭ znajšli pacučynuju atrutu
U Aŭstryi vyjavili niebiaśpiečny vypadak ź dziciačym charčavańniem: u adnym sa słoikaŭ pradukcyi kampanii Hipp znajšli pacučynuju atrutu, piša Euronews.
Zaražany słoik vyjavili ŭ chodzie pravierki i adklikańnia pradukcyi z kram sietki Spar. Jość padazreńni, što havorka idzie nie pra vytvorčuju pamyłku, a pra naŭmysnaje ŭmiašańnie — mahčyma, sprobu šantažu vytvorcy.
Kampanija paviedamiła, što pieradała spravu ŭ pravaachoŭnyja orhany i pakul nie daje dadatkovych kamientaroŭ. Pry hetym padkreślivajecca, što ŭžyvańnie padroblenaj pradukcyi moža być niebiaśpiečnym dla žyćcia.
Rasśledavańnie pravodzicca ŭ Aŭstryi, ale padobnyja padazronyja słoički taksama vyjavili ŭ Hiermanii, Čechii i Słavakii. Pieršyja analizy paćvierdzili najaŭnaść taksičnaha rečyva. Adznačajecca, što takija słoički mohuć mieć niezvyčajny abo niepryjemny pach.
Ułady zaklikajuć ludziej być uvažlivymi: źviartać uvahu na paškodžanyja abo ŭžo adkrytyja ŭpakoŭki, adsutnaść charakternaha huku pry adkryćci i padazronyja znaki na dnie słoika — biełyja naklejki z čyrvonym kruham. Takija pradukty ŭžyvać nielha.
Simptomy atručvańnia mohuć źjavicca nie adrazu — praź niekalki dzion. Siarod ich — kryvacioki, słabaść i blednaść. Pry padazreńni na atručvańnie nieabchodna terminova źviarnucca da doktara.
Kamientary