U Afrycy słany zataptali amierykanskaha miljaniera, jaki pryjechaŭ palavać na antyłop
U zachodnieafrykanskaj krainie Habon padčas palavańnia zahinuŭ 75‑hadovy amierykanski miljanier Erni Dosia, paviedamlaje The Guardian.
Mužčyna pryjechaŭ u Afryku papalavać na antyłop, ale ŭ trapičnym lesie jon razam z pravadnikom niečakana sutyknuŭsia z hrupaj słanoŭ — piaćciu darosłymi asobinami i słanianiom. Žyvioły, vierahodna, spałochalisia ludziej i adčuli ad ich pahrozu, a tamu napali na ich. U vyniku miljanier byŭ prosta zataptany, a jahony pravadnik atrymaŭ ciažkija traŭmy.
Erni Dosia byŭ uładalnikam kampanii, źviazanaj ź vinarobstvam, i vałodaŭ vialikimi vinahradnikami ŭ ZŠA. Jon taksama byŭ viadomy jak amatar trafiejnaha palavańnia i za mnohija hady sabraŭ značnuju kalekcyju trafiejaŭ, u tym liku z Afryki.
Pa słovach znajomych, jon zajmaŭsia palavańniem usio žyćcio, i ŭsie jahonyja pajezdki byli aficyjna dazvolenyja i licenzavanyja. Tym nie mienš, trafiejnaje palavańnie zastajecca sprečnaj temaj, bo štohod u śviecie padčas takich turaŭ hinuć dziasiatki tysiač žyvioł.
U Habonie žyvie vialikaja častka papulacyi lasnych słanoŭ — vidu, jaki znachodzicca pad pahrozaj źniknieńnia.
Hanibał pierajšoŭ praz Alpy na bajavych słanach, paćvierdzili archieołahi
Batsvana pryhraziła adpravić u Hiermaniju 40 tysiač słanoŭ z-za sprečki vakoł słanovaj kości
U Indyi chutkasny ciahnik sutyknuŭsia sa statkam dzikich słanoŭ
Turyst u Kienii napaiŭ pivam słana i spravakavaŭ skandał
U Indyi pamierła najstarejšaja azijackaja słanicha. Joj było bolš za 100 hadoŭ
Kamientary