У Афрыцы сланы затапталі амерыканскага мільянера, які прыехаў паляваць на антылоп
У заходнеафрыканскай краіне Габон падчас палявання загінуў 75‑гадовы амерыканскі мільянер Эрні Досіа, паведамляе The Guardian.
Мужчына прыехаў у Афрыку папаляваць на антылоп, але ў трапічным лесе ён разам з правадніком нечакана сутыкнуўся з групай сланоў — пяццю дарослымі асобінамі і сланянём. Жывёлы, верагодна, спалохаліся людзей і адчулі ад іх пагрозу, а таму напалі на іх. У выніку мільянер быў проста затаптаны, а ягоны праваднік атрымаў цяжкія траўмы.
Эрні Досіа быў уладальнікам кампаніі, звязанай з вінаробствам, і валодаў вялікімі вінаграднікамі ў ЗША. Ён таксама быў вядомы як аматар трафейнага палявання і за многія гады сабраў значную калекцыю трафеяў, у тым ліку з Афрыкі.
Па словах знаёмых, ён займаўся паляваннем усё жыццё, і ўсе ягоныя паездкі былі афіцыйна дазволеныя і ліцэнзаваныя. Тым не менш, трафейнае паляванне застаецца спрэчнай тэмай, бо штогод у свеце падчас такіх тураў гінуць дзясяткі тысяч жывёл.
У Габоне жыве вялікая частка папуляцыі лясных сланоў — віду, які знаходзіцца пад пагрозай знікнення.
Ганібал перайшоў праз Альпы на баявых сланах, пацвердзілі археолагі
Батсвана прыгразіла адправіць у Германію 40 тысяч сланоў з-за спрэчкі вакол слановай косці
У Індыі хуткасны цягнік сутыкнуўся са статкам дзікіх сланоў
Турыст у Кеніі напаіў півам слана і справакаваў скандал
У Індыі памерла найстарэйшая азіяцкая сланіха. Ёй было больш за 100 гадоў
Цяпер чытаюць
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам4
Каментары