Prakuror prasiŭ pakarać chłopca 3 miesiacami turmy.
Prakuror prasiŭ pakarać chłopca 3 miesiacami turmy.
4 červienia sudździa suda Centralnaha rajona Homiela Taćciana Šviec vyniesła prysud pa kryminalnaj spravie za ŭchileńnie ad pryzyvu na vajskovuju słužbu ŭ dačynieńni da aktyvista BCHD Jaŭhiena Jakavienki. Chłopca prysudzili da adnaho hoda papraŭčych pracaŭ, t.zv. «chimii». Pra NN heta paviedamiŭ sustaršynia BCHD Pavieł Sieviaryniec.
Ad śniežnia 2009 h. Jaŭhien Jakavienka nieadnarazova źviartaŭsia ŭ Homielski harvajenkamat z prośbaj vieści ź im pierapisku na dziaržaŭnaj biełaruskaj movie. Na kožny ź jahonych zvarotaŭ vajenkamat adkazvaŭ admovaj. Pozvu na biełaruskaj movie aktyvistu tak i nie vydali. Jaŭhien źviartaŭsia ŭ Kanstytucyjny sud, Administracyju Łukašenki. Jon padaŭ u sud na dziejańni supracoŭnikaŭ vajenkamata, ale sud Savieckaha rajona horada Homiela biez tłumačeńniaŭ sud admoviŭsia raspačynać administracyjnuju spravu pa faktach parušeńnia supracoŭnikami vajenkamatu Zakona ab movach i Kanstytucyi RB.U vyniku na Jaŭhiena Jakavienku zaviali administracyjnuju spravu pa art 25.1 č3 (nie źjaŭleńnie pa poźvie) KAaP RB, pa jakoj u vyniku sud jaho apraŭdaŭ. Tady na aktyvista zaviali ŭžo kryminalnuju spravu pa art. 435 č.1 KK RB.
Vatra adzančyć, što raniej u sudach byli apraŭdanyja vierniki Ivan Michajłaŭ i Źmicier Smyk. Ich, jak i Jakavienku, vinavacili va ŭchileńni ad pryzyvu na vajskovuju słužbu. Kaardynatar kampanii «Za alternatyŭnuju hramadzianskuju słužbu» Michaś Paškievič miarkuje, što choć Jakavienku, Smyku i Michajłavu i zakidali adzin i toj ža artykuł, sprava ich troški adroźnivajecca. «Usio ž, jak mnie padajecca, sprava Jakavienki — palityčnaja. Tut dva čyńniki — pryncypovaja pazicyja nakont moŭnaha pytańnia i siabroŭstva ŭ BCHD», — kaža M. Paškievič. Tym nie mienš, ličyć jon, sprava Jakavienki vyhladaje absurdna — Smyka sudzili ŭ adnym sudzie ź Jakavienkam, pavodle taho ž artykuła, ale jaho apraŭdali, a Jaŭhiena adpravili na «chimiju».
BCHD inicyjavała zbor podpisaŭ pradstaŭnikoŭ biełaruskaj hramadskaści pad adkrytym listom z patrabavańniem spynić sudovy pieraśled Jaŭhiena Jakavienki, prynieści jamu prabačeńni, pakarać vinavatych u hetaj spravie čynoŭnikaŭ i bolš nie dapuskać takoj źniavahi biełaruskaj movy ŭ Biełarusi.
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY4
Kamientary