Na nieadekvatnaha pasažyra, jaki tak śpiašaŭsia ŭ Smalensk, što pabiŭsia z achovaj mietro, zaviali kryminałku
Zamiežniku pahražaje da 7 hadoŭ kałonii.
U Minsku zatrymali 28‑hadovaha zamiežnaha hramadzianina, jakoha abvinavačvajuć u napadzie na supracoŭnikaŭ słužby achovy mietro. Incydent adbyŭsia 26 krasavika na stancyi mietro «Kamiennaja Horka», paviedamlaje ahienctva «Minsk-Naviny».
Jak paviedamlajecca, mužčyna pryjechaŭ u Minsk razam z žonkaj i dziciom. Kali jon razam ź siamjoj sprabavaŭ pjany prajści na płatformu mietro, supracoŭniki biaśpieki jaho nie puścili.
Paśla hetaha mužčyna pačaŭ pavodzić siabie ahresiŭna: łajaŭsia, pahražaŭ, šturchnuŭ adnaho inśpiektara, a druhoha ŭdaryŭ kułakom u tvar.
Parušalnika zatrymali, suprać jaho raspačali kryminalnuju spravu.
Pavodle infarmacyi prakuratury, mužčyna pracuje naładčykam stankoŭ u pryvatnaj kampanii i raniej užo mieŭ prablemy z zakonam.
Jamu vystavili abvinavačańnie ŭ hvałcie i pahrozie hvałtam u dačynieńni da słužbovych asob, jakija achoŭvali hramadski paradak. Artykuł praduhledžvaje da siami hadoŭ pazbaŭleńnia voli.
Kamientary
I tak davoli časta :(