Z klininhavaj kampanii dadatkova ździorli ŭ biudžet až 1,1 miljona
Padatkaviki śćviardžajuć, što pradpryjemstva fiktyŭna drabniła biznes, kab zanižać padatkovyja vypłaty. Jak ža heta zaŭvažyli i dakazali?
U chodzie pazapłanavaj pravierki adnoj z klininhavych arhanizacyj Ministerstva pa padatkach i zborach zaŭvažyła jaje ŭzajemazaležnaść ź inšaj arhanizacyjaj. U pryvatnaści, uzajemazaležnymi paličyli ich zasnavalnikaŭ i kiraŭnikoŭ, buchhałteryju viali tyja samyja asoby, vidy dziejnaści byli tyja samyja, pastaŭščyki — taksama.
Akramia kłasičnaha drabnieńnia biźniesu z padkantrolnym subjektam, pravierka zapadozryła padmienu pracoŭnych adnosin hramadzianska-pravavymi pa zaklučanych dahavorach z čatyrma indyvidualnymi pradprymalnikami. Arhanizacyja faktyčna inicyjavała rehistracyju indyvidualnych pradprymalnikaŭ pa akazańni klininhavych pasłuh i akazańni pasłuh kiravańnia arhanizacyjami. I ŭ jakaści apłaty pasłuh na ich rachunki było pieraličana 1,9 młn rubloŭ.
Pa vynikach pravierki vystavili da vypłaty 1,1 młn rubloŭ, u tym liku padatkaŭ — 0,9 młn rubloŭ.
Za niapoŭnuju vypłatu padatkaŭ pradpryjemstva budzie pryciahnuta da administracyjnaj adkaznaści, a ŭ dačynieńni da słužbovych asob pravaachoŭnymi orhanami pačataja asobnaja pravierka. Mahčymaja navat kryminalnaja sprava.
Padobnyja vypadki ŭ apošnija hady stanoviacca masavymi: padatkovyja orhany aktyŭna vyjaŭlajuć schiemy z «drabnieńniem» biźniesu, kali adna faktyčnaja kampanija farmalna padzialajecca na niekalki jurydyčnych asob, kab płacić mienš padatkaŭ. Paśla pravierak takija schiemy zvyčajna likvidujucca, a pradpryjemstvy abaviazvajuć dapłacić u biudžet.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary