Biełaruscy vydali brakavany pašpart. Defiekt vyjavili na miažy
Biełaruska sutyknułasia z prablemaj praz druk. Dakumient jana atrymała paŭhoda tamu, ale zaŭvažyła jaho asablivaść tolki pilnaje voka pamiežnicy na pašpartnym kantroli.
«Paŭhoda tamu atrymała novy pašpart i spakojna žyła da momantu, jak vyrašyła palacieć nie tolki ŭ susiedniuju krainu, a krychu dalej. I tam pilnaje voka dziaŭčyny na pašpartnym kantroli vyjaviła voś takuju asablivaść majho pašparta.
Žart našych pašpartystaŭ jana nastolki acaniła, što adpraviłasia pakazvać usim svaim kaleham, a mianie adpravili «pasiadzieć» na 3 hadziny da vyśviatleńnia abstavin», — raskazała dziaŭčyna.
Defiekt taki, što jaho zusim nie čakaješ.
Sprava ŭ tym, što staronki ŭ dakumiencie iduć nie pa paradku: paśla 18‑j staronki adrazu idzie 15-ja. Pryčynaj stała pamyłka pry sšyvańni dakumienta.
Na ščaście, vyjaviłasia heta pry viartańni, i dziaŭčynu puścili dadomu.
Kamientatary ŭ Threads, dzie post sabraŭ 270 tysiač prahladaŭ, paraili joj mianiać pašpart.
«Ciapier jašče i heta praviarać», — aburajucca kamientatary, jakija pabiehli hartać svaje dakumienty.
Kamientary
A pry pierfaracyi numara prosta adličana pałovu staronak ci pa švie ŭ siaredzinie.