Rasijski suchahruz, jaki pieravoziŭ rasijskija jadziernyja reaktary dla KNDR, mahli padbić tarpiedami NATA
Telekanał CNN paviedamiŭ novyja padrabiaznaści pra hibiel rasijskaha suchahruza Ursa Major, jaki zatanuŭ u śniežni 2024 hoda kala ispanskaha ŭźbiarežža. Pavodle infarmacyi žurnalistaŭ i materyjałaŭ ispanskaha rasśledavańnia, sudna mahło pieravozić dla KNDR kampanienty jadziernych reaktaraŭ dla padvodnych łodak.
Kapitan sudna Ihar Anisimaŭ padčas dopytaŭ paviedamiŭ śledčym, što pad vyhladam «viečkaŭ lukaŭ», paznačanych u dakumientach, na borcie znachodzilisia elemienty dvuch jadziernych reaktaraŭ. Jon śćviardžaŭ, što jany nie mieli jadziernaha paliva. Miarkujecca, što hruz moh nakiroŭvacca ŭ paŭnočnakarejski port Rason.
Śledčyja paličyli padazronym sam maršrut i skład hruzu. Pavodle ich viersii, dva vialikija krany Liebherr, jakija taksama byli na sudnie, mahli vykarystoŭvacca dla razhruzki reaktaraŭ.
22 śniežnia sudna pačało tracić chod i nachiliłasia. Paźniej prahučali niekalki vybuchaŭ u rajonie mašynnaha adździaleńnia, zahinuli dvoje miechanikaŭ. Na korpusie znajšli adtulinu pamieram kala 50 na 50 santymietraŭ.
Ispanskija śledčyja vykazali viersiju, što paškodžańnie mahła vyklikać supierkavitacyjnaja tarpieda typu «Barakuda». Takija tarpiedy zdolnyja ruchacca na vielmi vialikaj chutkaści ŭ hazavaj burbałcy. Adnak šerah ekśpiertaŭ sumniavajecca ŭ hetaj viersii i ličyć bolš vierahodnym vykarystańnie mahnitnaj miny, zamacavanaj na korpusie sudna. Tym bolš što takija tarpiedy jość na ŭzbrajeńni tolki ŭ ZŠA, Rasii, Irana i niekatorych krain NATA.
Paśla evakuacyi ekipaža rasijski karabiel «Ivan Hren», jaki supravadžaŭ suchahruz, zapuskaŭ sihnalnyja rakiety, a siejsmołahi zafiksavali jašče čatyry vybuchi ŭ rajonie avaryi. Paźniej da miesca krušeńnia prybyvała rasijskaje sudna «Jantar», jakoje ŭ krainach NATA ličać raźviedvalnym.
CNN taksama paviedamlaje, što nad miescam zatapleńnia dvojčy lotaŭ amierykanski samalot WC-135R, pryznačany dla vyjaŭleńnia śladoŭ jadziernych materyjałaŭ u atmaśfiery.
Raniej śpiecsłužby Paŭdniovaj Karei zajaŭlali, što Rasija mahła pieradavać KNDR technałohii i kampanienty dla stvareńnia atamnych padłodak u abmien na dapamohu paŭnočnakarejskich vajskoŭcaŭ u vajnie suprać Ukrainy.
La bierahoŭ Ispanii zatanuła rasijskaje sudna, jakoje zabiaśpiečvała hrupoŭku ŭ Siryi
Jak ZŠA vybudoŭvajuć novy suśvietny paradak: kantrol nad marskimi vuzłami pieradusim
Rasijski hazavoz, padbity ŭ Mižziemnym mory, pahražaje ekałahičnaj katastrofaj
Źjaviłasia VIDEA, jak francuzskija vajskoŭcy biaruć na abardaž tankier rasijskaha cieniavoha fłotu
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary