Tysiačy ŭdzielnikaŭ antyŭradavych demanstracyjaŭ u Budapešcie, jakija patrabujuć adstaŭki premjera Ferenca Dziurčani Ferenca Gyurcsanya, uvarvalisia ŭ noč z paniadziełku na aŭtorak u hmach dziaržaŭnaj televizii. Maci Vanchanen (Matti Vanhanen), premjer Finlandyi, jakaja ŭ hetym paŭhodździ staršynstvuje ŭ EZ, skazaŭ u aŭtorak ranicaj, što pratesty ŭ Budapešcie źjaŭlajucca ŭnutranaj spravaj Vuhorščyny i Eŭraźviaz pakul što nia budzie raspačynać nijakich dziejańniaŭ.
Tysiačy ŭdzielnikaŭ antyŭradavych demanstracyjaŭ u Budapešcie, jakija patrabujuć adstaŭki premjera Ferenca Dziurčani Ferenca Gyurcsanya, uvarvalisia ŭ noč z paniadziełku na aŭtorak u hmach dziaržaŭnaj televizii. Maci Vanchanen (Matti Vanhanen), premjer Finlandyi, jakaja ŭ hetym paŭhodździ staršynstvuje ŭ EZ, skazaŭ u aŭtorak ranicaj, što pratesty ŭ Budapešcie źjaŭlajucca ŭnutranaj spravaj Vuhorščyny i Eŭraźviaz pakul što nia budzie raspačynać nijakich dziejańniaŭ.
Pavodle vuhorskaj ahiencyi druku MTI, u sutyčkach z palicyjaj było paraniena kala sta čałaviek. Siarod paranienych taksama šmat palicyjantaŭ.
Palicyja ŭžyła ślozaciečny haz i vodnyja harmaty dla razhonu natoŭpu. U rajonie budynku televizii - adkul pryvatny televizijny kanał Hir TV, źviazany z centrapravaj hrupoŭkaj Fides, robić niepasrednyja spravazdačy z demanstracyjaŭ - zhareła šmat mašyn, razburanyja vitryny kramaŭ i uvachody ŭ banki.
Heta pieršy takoha rodu pratest z časoŭ padzieńnia kamunizmu ŭ Vuhorščynie.
Premjer: My chłusili, kab utrymacca ŭva ŭładzie
Manifestacyi suprać kiraŭnika ŭradu tryvali ŭ vuhorskaj stalicy ad niadzielnaha viečaru. U toj dzień pa radyjo pieradali zapis, na jakim premjer kaža partyjnym kaleham, što jaho ŭrad padčas papiaredniaha terminu chłusiŭ pra stan dziaržavy i ekanomiki, kab tolki ŭtrymacca ŭva ŭładzie.
Šturm budynku televizii, evakuacyja persanału
U noč z paniadziełku na aŭtorak mirnaja demanstracyja kala parlamantu pierarasła ŭ sutyčki z palicyjaj pad budynkam dziaržaŭnaj televizii. Hrupa demanstrantaŭ - pavodle roznych krynicaŭ ad 50 da sta čałaviek - jakija chacieli pieradać petycyju manifestantaŭ, zdoleła ŭvarvacca ŭ hmach. Televizija spyniła tranślacyju, persanał staraŭsia vybracca z budynka.
Premjer Dziurčani (Gyurcsyany) skazaŭ u aŭtorak, što zahadaŭ palicyi prymianiać "usie mahčymyja srodki", kab viarnuć spakoj. Ranicaj pavinna sabracca Rada nacyjanalnaj biaśpieki, jakaja abmiarkuje dalejšyja kroki.
Demanstranty, miž jakich byli taksama i siabry krajnich pravych hrupovak, atakavali pomnik savieckim žaŭnieram, što stajaŭ kala hmachu televizii. Niechta z manifestantaŭ kryčaŭ "56!", zaklikajučy da kryvava zadušanaha vuhorskaha paŭstańnia 1956 h.
Urad zaklikaje da debataŭ. Apazycyja abjaŭlaje bajkot
Dziurčani Gyurcsany prapanavaŭ u aŭtorak pravieści parlamanckija debaty, kab acanić palityčnuju sytuacyju ŭ krainie. Adnak apazycyja z pravaj partyi Fidesz jašče raniej abvieściła, što z pratestu suprać kiraŭnika ŭradu budzie bajkatavać pajasiedžańnie parlamantu, zaplanavanaje na aŭtorak. Deputaty pavinny byli abmierkavać na pasiedžańni vyniki sta dzion kiravańnia Dziurčani.
U paniadziełak viečaram Fidesz abjaviła pra "poŭnuju salidarnaść" z manifestantami.
Dziurčani Gyurcsany pryznaŭ ŭ niadzielu, što zapis, jaki byŭ zrobleny ŭ traŭni, dzie jon nieprystojnymi vyrazami kazaŭ pra toje, što ŭrad dva hady chłusiŭ, kab vyjhrać vybary, praŭdzivy.
Karotkija frahmenty hetaha zapisu pieršym vypuściła ŭ śviet vuhorskaje hramadzkaje radyjo ŭ niadzielu.
Zapis byŭ zrobleny 26 traŭnia na zakrytym pasiedžańni deputataŭ ad sacyjalistyčnaj partyi, miesiac paśla pieramohi na vybarach Sacyjalistyčnaj partyi i Sajuzu volnych demakrataŭ. Na toj naradzie Dziurčani skazaŭ, što ŭrad nia maje vybaru - pavinien pravieści hłybokija reformy padčas druhoha terminu, paśla 18 miesiacaŭ chłuśni, jakaja charaktaryzavała čas, kali jon byŭ premjeram, i čatyry hady kiravańnia sacyjalistaŭ.
"My chłusili ranicaj, i my chłusili viečaram" - skazaŭ jon padčas 25-chvilinnaj pramovy, u jakoj nie brakavała vulharnych vyrazaŭ.
EZ: Pratesty ŭ Budupešcie - ŭnutranaja sprava Vuhorščyny
Eŭraźviaz ličyć pratesty ŭ Budapešcie ŭnutranaj spravaj Vuhorščyny i "prynamsi siońnia" nia budzie raspačynać nijakich dziejańniaŭ - skazała ŭ aŭtorak Maci Vanchanen, premjer Finlandyi, jakaja ŭ hetym paŭhodździ staršynstvuje ŭ EZ.
Kamientary