Kvateru dvojčy Hieroja Savieckaha Sajuza Leanida Biady pradajuć u Minsku. Kolki prosiać?
U stalicy vystavili na prodaž žytło na 100 kvadrataŭ z historyjaj.
U Minsku dastatkova damoŭ ź miemaryjalnymi doškami, jakija nahadvajuć žycharam horada, što ŭ hetych ścienach kaliści žyli hieroi, dziejačy kultury i inšyja važnyja piersony. Kupić nieruchomaść u takim budynku — vialikaja ŭdača. U bazie Realt źjaviłasia kvatera Leanida Biady — lotčyka-šturmavika, hienierała-lejtenanta avijacyi i dvojčy Hieroja Savieckaha Sajuza.
U Minsku navat jość vulica, nazvanaja jaho imieniem, ale jaho kvatera raźmiaščajecca ŭ viadomym domie na Kupały, 7.
Dzieviacipaviarchovy dom nasuprać parku Horkaha na Janki Kupały, 7 źjaviŭsia ŭ 1969 hodzie. U savieckija hady dom ličyŭsia elitnym. Tut atrymlivali kvatery viadomyja piśmieńniki, dziaržaŭnyja dziejačy i vajskoŭcy, u tym liku Hieroi Savieckaha Sajuza i vieterany.
Siońnia pra heta nahadvajuć miemaryjalnyja doški Anatola Andrejeva, Alaksandra Klimava, Viktara Vujačyča, Ivana Mieleža i Leanida Biady. Kvatera apošniaha akurat i vystaŭlena na prodaž. Pavodle słoŭ aŭtara abjavy, lotčyk žyŭ na piatym paviersie ŭ trochpakajovaj kvatery płoščaj 101,3 m².
Žytło premijalnaje: pieršapačatkova na čatyry pakoi było dźvie zašklonyja łodžyi, bałkon i dva sanvuzły.
U chodzie pierapłanavańnia pakojaŭ stała try, u kancy kalidora abstalavali stałovuju kala akna.
Kvatera całkam hatovaja da pražyvańnia. Kuchnia abstalavana harnituram i ŭbudavanaj technikaj italjanskich brendaŭ.
Spalni taksama abstaŭleny nieabchodnaj meblaj.
Darečy, pałova voknaŭ kvatery vychodzić na park. Pobač jość dźvie stancyi mietro, skvier, dahledžanaja nabiarežnaja Śvisłačy.
Prosiać za kvateru 999 tysiač rubloŭ (kala 334 tysiač dalaraŭ u ekvivalencie).
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?2
Kamientary