16 žniŭnia supracoŭniki DAI Barysaŭskaha RUUS padčas manitorynhu sacyjalnych sietak znajšli videa, źmiest jakoha kvalifikavali jak hrubaje parušeńnie pravił darožnaha ruchu.
Vyśvietliłasia, što ŭ hety dzień na 10‑m kiłamietry aŭtadarohi N-8092 «Paŭnočny abychod Barysava», na ŭčastku pamiž Niamnicaj i Starym Barysavam, 30‑hadovy miascovy žychar vyrašyŭ zrabić niezvyčajnuju, ale vielmi niebiaśpiečnuju akcyju.
Mužčyna raźliŭ na asfalcie bienzin, vyvieŭ im łahatyp aŭtamabilnaj marki Audi, a zatym padpaliŭ jaho, arhanizavaŭšy svojeasablivaje «vohniennaje šou» prosta na prajeznaj častcy.
U dačynieńni da parušalnika skłali administracyjnyja materyjały pavodle art. 18.29 KaAP Biełarusi — za paškodžańnie abo zabrudžvańnie aŭtamabilnaj darohi, a taksama pavodle č. 1 art. 18.20 — za parušeńnie praviłaŭ darožnaha ruchu piešachodam ci inšym udzielnikam ruchu, jaki nie kiruje transpartnym srodkam.
Kamientary