Padčas restaŭracyi Archanhielskaha sabora ŭ Maskoŭskim Kramli rabočyja razabrali nadmahilli ŭ sklepie i adkryli try sarkafahi. U adnym ź ich, jak śćviardžajecca, dakładna zachoŭvajucca moščy słavutaha maskoŭskaha kniazia XIV stahodździa Dźmitryja Danskoha.
Padčas ramontu adzin z sarkafahaŭ daviałosia častkova vyciahnuć sa svojeasablivaha cahlanaha futlara, pakolki isnavała niebiaśpieka jaho abvalvańnia i paškodžańnia pareštkaŭ. Paśla hetaha śpiecyjalisty pačali daśledavać źmiest truny.
Ale ŭ Ruskaj pravasłaŭnaj carkvie ŭžo zajavili, što sapraŭdnaść całkam zachavanych pareštkaŭ Dźmitryja Danskoha paćviardžajecca sukupnaściu histaryčnych źviestak, archieałahičnymi danymi i vynikami antrapałahičnaha daśledavańnia. Paškodžanaje było tolki viečka sarkafaha.
Kala znojdzienych moščaŭ užo pravioŭ malebien patryjarch Kirył. Paśla jaho błahasłaŭleńnia čaścinki moščaŭ płanujuć raźvieźci pa pravasłaŭnych chramach u roznych rehijonach Rasii.
Pamočnik Pucina Uładzimir Miadzinski nazvaŭ znachodku moščaŭ Dźmitryja Danskoha «amal kazačnaj», niečakanaj i vielmi simvaličnaj.
Pry hetym miesca pachavańnia kniazia było viadoma i raniej. Jašče ŭ 2007 hodzie tahačasny patryjarch Aleksij II prasiŭ vyniać častki moščaŭ z sarkafaha, ale tady raboty spynili praz techničnyja składanaści z dostupam da pachavańnia. U dvuch inšych sarkafahach, jak ličycca, spačyvajuć moščy kniazioŭ Ivana II Krasnaha (baćki Dźmitryja Danskoha) i Dźmitryja Žyłki (syna vialikaha kniazia maskoŭskaha Ivana III).
Dźmitryj Danski kniažyŭ u Maskvie z 1359 pa 1389 hady, u Rasii jaho šanujuć najpierš za pieramohu nad tatarami pad kiraŭnictvam ciemnika Mamaja 8 vieraśnia 1380 hoda.
Na Biełarusi byŭ jašče adzin kryž, padobny da kryža Jeŭfrasińni Połackaj. Što ź im stała?
U «DNR» zbajodali moščy Alaksandra Nieŭskaha. Ich vieźli na malebien ab pieraadoleńni paliŭnaha kryzisu
U Bierazinie niećviarozy mužčyna skraŭ z carkvy moščy śviatoha Śpirydona
U Minsk pryvieźli moščy śviatych, jakija ŭ RPC ličacca zamienaj śviatomu Valancinu
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary