Na nastupnym tydni, z 11 pa 17 maja, nadvorje ŭ Biełarusi budzie bolš adpaviadać zvyčajnym majskim umovam. Siaredniaja tempieratura čakajecca kala klimatyčnaj normy, a paciapleńnie prahnazujecca tolki bližej da vychodnych, paviedamiŭ u efiry telekanała ANT sinoptyk Dźmitryj Rabaŭ.
U pačatku tydnia nadvorje budzie vyznačać vobłaść vysokaha atmaśfiernaha cisku. U paniadziełak istotnych apadkaŭ u bolšaści rajonaŭ nie čakajecca, tolki na zachadzie krainy mahčymyja karotkija daždžy i navalnicy. Unačy tempieratura składzie ad +4 da +9 hradusaŭ, udzień — ad +12 da +17, a na poŭdni i paŭdniovym zachadzie pavietra prahrejecca da +23.
U aŭtorak nadvorje pahoršycca praz cykłon z Bałtyi. Čakajucca karotkačasovyja daždžy, navalnicy i mocny paryvisty viecier, miescami da 20 mietraŭ za siekundu. Vilhotnaść pavietra budzie vysokaj, ranicaj mahčymy tuman. Unačy tempieratura składzie +7…+12, udzień — ad +12 na zachadzie da +23 na paŭdniovym uschodzie.
U sieradu zachavajecca niaŭstojlivaje nadvorje z daždžami i navalnicami. Na ŭschodzie krainy miescami mahčymyja mocnyja zalevy. Budzie chaładniej: udzień ad +10 na poŭnačy da +17 na poŭdni.
U čaćvier znoŭ čakajucca daždžy i navalnicy, asabliva va ŭschodnich rajonach. Unačy budzie ad +4 da +9 hradusaŭ, a ŭdzień — ad +9 na ŭschodzie da +15 na zachadzie.
U piatnicu ŭ Biełaruś pryjdzie čarhovy cykłon z Bałtyjskaha mora. U bolšaści rehijonaŭ prahnazujucca daždžy, miescami mocnyja, i śviežy paryvisty viecier. Niahledziačy na heta, tempieratura ŭdzień budzie adnosna vysokaj — ad +16 da +21 hradusa.
Na vychadnych nadvorje krychu palepšycca. U subotu i niadzielu zachavajecca pieramiennaja vobłačnaść, mahčymyja karotkija łakalnyja daždžy i navalnicy. Unačy i ranicaj miescami budzie tuman. Tempieratura pavietra ŭdzień składzie ad +16 da +23 hradusaŭ u zaležnaści ad rehijona.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna2
Kamientary