Мінчукоў занепакоіла моцная пена, якая з'явілася на вадзе ў Лошыцкім парку. Асабліва шмат яе ў канале на ўчастку пасля турбіны. Некаторыя відавочцы ў сацыяльных сетках выказвалі здагадкі, што гэта можа быць звязана са скідамі забруджванняў, бо вада мае незвычайны выгляд і пах. Іншыя лічылі, што з’ява натуральная і выкліканая дажджамі і пылком раслін, піша агенцтва «Мінск-Навіны».
У адміністрацыі Ленінскага раёна патлумачылі, што такое пенаўтварэнне назіраецца штогод у перыяд моцных ападкаў. Калі вада падае з вышыні і змешваецца з паветрам, утвараецца пена.
Таксама спецыялісты адзначылі, што ў цёплы сезон у вадаёмах актыўна развіваюцца мікраарганізмы і водарасці. Яны разам з пылком і ўзнятым глеем могуць дадаткова ўплываць на з’яўленне пены.
Па словах чыноўнікаў, гэта з’ява не ўяўляе небяспекі для птушак і рыбы.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1313
Каментары
нешта я не веру чыноўнікам, якія жывуць у Драздах, дзе Свіслач уваходзіць у мегаполіс, і дзе вада празрыстая... якія кажуць, што "гэта з’ява не ўяўляе небяспекі для птушак і рыбы", бо
на выхадзе з мегаполіса (а гэта як раз блізу Лошыцы) вада ў Свіслачы - самая брудная ў краіне вада
п.с. для тых, хто не ў Мінску і не разумее, тлумачу - Дразды - на паўночным захадзе Мінска, дзе адносна чыстая не толькі вада ў Свіслачы, але й паветра, а Лошыца на супрацьлеглым ускрайку Мінска, дзе ўсё наадварот