U Dziatłaŭskim rajonie mužčyna zładziŭ prycelnuju stralbu pa darožnych znakach
U Dziatłaŭskim rajonie małady čałaviek nabyŭ praź internet pnieŭmatyčny pistalet i pačaŭ stralać pa darožnych znakach, a taksama paškodziŭ łabavoje škło pryparkavanaha aŭtamabila, paviedamlaje «Viečiernij Hrodno».
Paviedamleńnie pra streły pastupiła ŭ milicyju ad miascovaha žychara. Siłaviki vyśvietlili, što stralba viałasia ź pistaleta, jaki vonkava nahadvaŭ pnieŭmatyčnuju zbroju. Zatym zbroju kanfiskavali i nakiravali na ekśpiertyzu.
Sudovyja ekśpierty paćvierdzili, što heta zavodski pnieŭmatyčny hazabałonny pistalet ź siaredniaj dulnaj enierhijaj kala 2,4 Dž.
Sam małady čałaviek pryznaŭsia, što kupiŭ zbroju ŭ internecie, ale nie mieŭ nieabchodnych dakumientaŭ na jaje vykarystańnie, svaje ž dziejańni patłumačyć uvohule nie moh.
Pa hetym fakcie Dziátłaŭski RAUS pravodzić pravierku. Ekśpierty nahadvajuć, što navat pnieŭmatyčnaja zbroja ź nizkaj mahutnaściu moža być niebiaśpiečnaj, jana zdolnaja nanosić traŭmy i paškodžańni.
Kamientary