Pavodle słoŭ doktara‑kardyjołaha rajonnaha kardyjałahičnaha centra Frunzienskaha rajona Maryny Vidziakinaj, tempieraturu 28—29 hradusaŭ pa Celsiju hipiertonikam i tym, chto pakutuje ad išemičnaj chvaroby serca, pieražyć vielmi ciažka. Zvyčajna heta pažyłyja ludzi, jakija da taho ž drenna pieranosiać duchatu.
«Takim ludziam paśla 11.00 rekamiendujecca nie vychodzić z doma, kvatery, i pakul nie spadzie śpiakota, nie zavichacca na dačnych učastkach», — skazała Maryna Vidziakina. Doktar taksama paraiła sardečnikam i hipiertonikam u śpiakotnyja dni jak minimum dvojčy ŭ sutki vymiarać uzrovień arteryjalnaha cisku. I ŭ zaležnaści ad jaho pakazčykaŭ źnižać abo pavialičvać dozy preparataŭ, jakija jany prymajuć.
«Pry źjaŭleńni hałavakružeńnia, hałaŭnych bolaŭ, paharšeńni zroku, milhańni «mušak» pierad vačyma, słabaści ŭ adnoj pałovie tułava, ruce abo nazie, a taksama paharšeńni movy — nieadkładna vyklikajcie chutkuju. Nazvanyja simptomy mohuć być prykmietaj pačatku insultu», — papiaredziła Maryna Vidziakina.
Akramia taho, pry ŭźniknieńni bolaŭ u hrudnoj kletcy, asabliva nieznajomych, jakija nie zdymajucca nitrahlicerynaj u spałučeńni z aśpirynam, doktar parekamiendavała adrazu ž zvanić u słužbu «103», inakš moža raźvicca infarkt mijakarda. Uviečary, pierad tym jak iści spać, pravietryvajcie pamiaškańnie. Fortački abo vokny pakidajcie na noč adčynienymi.
«I ni ŭ jakim razie nie ŭžyvajcie ałkahol! Śpirtnyja napoi, navat kali jany słabaałkaholnyja, uzmacniajuć abo asłablajuć dziejańnie lekaŭ. A tam i da insultu abo infarktu niedaloka», — dadała Maryna Vidziakina.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii24
Kamientary