Inicyjatarami pavyšeńnia cen na bienzin mahli być pryvatnyja AZS
Prybytak AZS u Biełarusi, na dumku ekśpierta, składaje kala 20%.
Takuju dumku vykazaŭ ekanamist Siarhiej Čały 15 červienia ŭ Minsku padčas pasiadžeńnia kruhłaha stała pa pytańni rostu cen na naftapradukty z pačatku hoda na 15%.
«Na moj pohlad, pavyšeńnie cen na bienzin adbyłosia abo ŭ vyniku adpaviednaha daručeńnia «Biełnaftachimu» źvierchu, abo dziakujučy łabisckim namahańniam pryvatnych retejleraŭ», — padkreśliŭ Čały.
Ekśpiert taksama zaznačyŭ, što asablivaść biełaruskaha rynku naftapraduktaŭ zaklučajecca ŭ mahčymaści nievidavočnaj i niehałosnaj zmovy hulcoŭ ab pavyšeńni cen. Źviazana heta pierš za ŭsio z adsutnaściu kankurencyi.
«Kali na rynku ŭsiaho niekalki hulcoŭ, to, jak tolki adzin ź ich pavyšaje ceny, astatnija prosta za im iduć.
Heta dobra bačna pa rynku sotavaj suviazi», — skazaŭ Čały.
Jon taksama padkreśliŭ, što, u adroźnieńnie ad Biełarusi, na Zachadzie lohka praličyć stvareńnie cany na rynku naftapraduktaŭ, bo jano prazrystaje.
«U Mičyhanie prybytak apieratara naftazapraŭki składaje ŭsiaho 0,2%. U bolšaści vypadkaŭ prybytak abo nulavy, abo navat admoŭny»,
— zajaviŭ ekanamist.
Asnoŭny prybytak, pavodle jaho słoŭ, prynosić infrastruktura — kafe, mahaziny, restarany. «Heta prykład taho, jak pry rynačnym cenaŭtvareńni atrymlivajuć dachod z akazańnia pabočnych pasłuh», — zaznačyŭ Čały.
Prybytak AZS u Biełarusi, na dumku ekśpierta, składaje kala 20%.
Razam z tym Čały taksama padkreśliŭ, što ŭ Biełarusi isnuje masavaje pierakryžavanaje subsidavańnie adnych halinaŭ inšymi. U suviazi z uviadzieńniem ekspartnaj pošliny na naftapradukty ŭpała rentabielnaść pastavak naftapraduktaŭ na źniešni rynak. «Heta pryčyna kampiensavać straty rostam cany na ŭnutranym rynku. Tak ustrojena ekanomika», — zaznačyŭ ekśpiert.
Čały ličyć, što robicca sproba za košt pavieličeńnia rublovaj cany pavialičyć dołaravuju vyručku. «Heta aznačaje, što ŭ nas kurs rubla ekanamična nieapraŭdany.
Ale ŭ situacyi, kali druhaja devalvacyja niemahčyma, niama inšaha vyjścia», — skazaŭ jon.
Ekanamist upeŭnieny, što pavyšeńnie cen na bienzin, pavieličeńnie koštu pasłuh ŽKH dla ŭładalnikaŭ elitnaha žylla i čakany rost stavak akcyzu na ałkahol — źviony adnaho łancuha. Pavodle jaho słoŭ, takim čynam ułady sprabujuć napaŭniać biudžet, bo naftapierapracoŭka nie prynosić raniejšaha ekanamičnaha efiektu.
«Dumaju, takija kropkavyja ŭdary buduć praciahvacca», — skazaŭ Čały.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim3
Kamientary