Prezident ZŠA Donald Tramp zajaviŭ, što padtrymlivaje ŭdary Ukrainy ŭhłyb terytoryi Rasii, pad jakija trapili ŭsie najbujniejšyja naftapierapracoŭčyja zavody, abaronnyja pradpryjemstvy i trubapravody «Transnafty».
«Heta eskałacyja, ale heta taksama eskałacyja, jakaja moža dapamahčy pryvieści da zaviaršeńnia [vajny]», — skazaŭ Tramp na sustrečy z prezidentam Ukrainy Uładzimiram Zialenskim na samicie NATO ŭ Ankary.
«My akazvajem vielmi šmat cisku na prezidenta Pucina. Ja nie dumaju, što jamu padabajecca toje, što adbyvajecca», — dadaŭ prezident ZŠA.
Pa słovach Trampa, i Maskva, i Kijeŭ chacieli b zaviaršeńnia kanfliktu, ale i Pucin, i Zialenski akazalisia «składanymi».
«My šmat spynili vojnaŭ. Ale, dumaju, heta [vajna] — nie samaje lohkaje. Pucin taki nialohki čałaviek, spadar prezident [Zialenski] — składany pa-svojmu čałaviek», — skazaŭ Tramp, majučy na ŭvazie Zialenskaha, jaki siadzieŭ pobač ź im.
Taksama jon dadaŭ, što maje namier siońnia ž pahavaryć z Pucinym.
ZŠA buduć kuplać drony va Ukrainy — jakuju prapahanda nazyvała deindustryjalizavanaj i «krainaj 404»
Zialenski pra mahčymyja pieramovy ŭ Maskvie: Heta składana, tam šmat ukrainskich dronaŭ
Tramp hatovy dazvolić Ukrainie vyrablać u siabie rakiety dla Patriot
Tramp abviaściŭ pra spynieńnie pieramirja pamiž ZŠA i Iranam
Kamientary
Ja spyniŭ usie vojny na śviecie, tam siońnia my bjem pa Iranie
Fondavy rynak prybiŭ dach i lacić u kosmas, a mnie dali załaty miač. Infancina hetak i skazaŭ. Maŭlaŭ, tam niejkaja małaja kraina pieramahaje Amieryku na poli, ale na samoj spravie bieź mianie nie było b ni kubka śvietu, ni futbołu. ni elektryčnaści!!