U ZŠA ŭładalnik bileta łatarei Mega Millions, nabytaha ŭ štacie Fłaryda, staŭ pieramožcam džekpota ŭ pamiery 800 miljonaŭ dołaraŭ. Pieramožny bilet supaŭ z usimi šaściu vyjhryšnymi numarami: 34, 48, 49, 59, 70 i dadatkovym šaram Mega Ball 12, piša Forbes.
Pieramožca zmoža vybrać adzin z dvuch varyjantaŭ atrymańnia hrošaj. Pieršy — poŭnaja suma ŭ 800 miljonaŭ dalaraŭ, jakaja budzie vypłačvacca roŭnymi častkami na praciahu 30 hadoŭ. Druhi — adnarazovaja vypłata ŭ pamiery 344,2 miljona dalaraŭ, jakoj zvyčajna addajuć pieravahu bolšaść pieramožcaŭ.
Pry vybary adnarazovaj vypłaty paśla abaviazkovaha fiederalnaha ŭtrymańnia padatku ŭ pamiery 24 % suma składzie kala 261,6 miljona dalaraŭ. Z ulikam mahčymaj maksimalnaj fiederalnaj staŭki padatku ŭ 37 % kančatkovy dachod moža źmienšycca prykładna da 216,8 miljona dalaraŭ.
Kali ž pieramožca abiare vypłatu častkami, to štohadovy płaciož składzie kala 26,7 miljona dalaraŭ da vypłaty padatkaŭ. Paśla vypłaty fiederalnaha padatka jon moža atrymlivać prykładna 16,8 miljona dalaraŭ na hod.
Dadatkovaj pieravahaj dla ščaśliŭca źjaŭlajecca toje, što ŭ štacie Fłaryda niama asobnaha padatku na vyjhryšy ŭ łatareju, jak i padatku štata na dachody fizičnych asob.
Šancy vyjhrać hałoŭny pryz Mega Millions byli nadzvyčaj małymi — prykładna adzin da 290,4 miljona. Ale ŭ inšaj amierykanskaj papularnaj łatarei Powerball jany jašče nižejšyja — adzin da 292,2 miljona.
Tysiačy supracoŭnikaŭ SpaceX stanuć miljanierami paśla IPO
Rabotnica abmieńnika prajhrała ŭ anłajn-kazino 500 tysiač bankaŭskich rubloŭ
U Rasii pradavačka skrała łatarejnych biletaŭ na 5,5 tysiač dalaraŭ. Jaki vynik?
Mužčyna vyjhraŭ pracu Pikasa koštam 1 miljon jeŭra ŭ dabračynnaj łatarei, kupiŭšy łatarejny bilet za 100 jeŭra
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy25
Kamientary
Tak i tak šmat, na niekalki žyćciaŭ usim naščadkam chopić, ale navošta duryć?