U Nacyjanalnym aeraporcie Minsk płanujuć značna pavialičyć jomistaść aŭtamabilnaj parkoŭki R3. Paśla realizacyi prajekta na joj źjavicca jašče 884 novyja mašyna-miescy, paviedamiła pres-słužba aeraporta.
Bolšaja častka novych miescaŭ — 542 — budzie pryznačanaja dla pasažyraŭ i naviedvalnikaŭ aeraporta. Jašče 342 miescy addaduć pad słužbovy transpart. Raboty płanujecca pravieści na ŭčastku płoščaj kala 3,39 hiektara.
U administracyi aeraporta adznačyli, što pašyreńnie parkoŭki nieabchodnaje ŭ suviazi z raźvićciom infrastruktury pryvakzalnaj terytoryi, a taksama dla zachavańnia jakaści pasłuh, jakija akazvajucca pasažyram. Akramia taho, dadatkovyja miescy patrebnyja supracoŭnikam samoha aeraporta.
Prajekt praduhledžvaje stvareńnie biezbarjernaha asiarodździa. Dla ludziej ź invalidnaściu i inšych małamabilnych hramadzian budzie abstalavana šeść śpiecyjalnych parkovačnych miescaŭ. Na pierasiačeńniach piešachodnych darožak z prajeznaj častkaj nie budzie vysokich bardziuraŭ, a tratuary i piešachodnyja darožki atrymajuć tryvałaje, roŭnaje i niaślizkaje pakryćcio.
Kali mienavita zavieršacca raboty i adkryjucca novyja parkovačnyja miescy, pakul nie paviedamlajecca.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary