U Viciebsku pradali budynak byłoha chiedara, dzie vučyŭsia Mark Šahał
Histaryčny pomnik u centry Viciebska, dzie spaścihaŭ azy navuki suśvietna viadomy mastak i dzie čynoŭniki hadami abiacali stvaryć muziej, pradali pad haścinicu.
Elektronnyja tarhi pa realizacyi budynka byłoj jaŭrejskaj škoły na vulicy Kalinina, 1 prajšli 17 lipienia. Pačatkovaja cana hetaha histaryčnaha łota była 814 tysiač rubloŭ.
Na ŭdzieł u tarhach było zarehistravana 2 zajavy. U vyniku tarhoŭ cana prodažu vyrasła amal na 10% i skłała 895 341,88 BYN (kala 310 tysiač dalaraŭ u ekvivalencie).
Ad novaha haspadara čakajuć maštabnaj rekanstrukcyi, u vyniku jakoj u budynku płoščaj amal 500 kvadratnych mietraŭ pavinien źjavicca šmatfunkcyjanalny kompleks z haścinicaj i ŭstanovaj hramadskaha charčavańnia.
Času na realizacyju prajekta dajuć krychu bolš za try hady — kompleks musić być uviedzieny ŭ ekspłuatacyju nie paźniej za 31 śniežnia 2029 hoda.
Da 1917 hoda tut pracavaŭ chiedar — tradycyjnaja relihijnaja pačatkovaja škoła, dzie z troch da trynaccaci hadoŭ vučyŭsia Mark Šahał. U hetych ža ścienach atrymlivaŭ adukacyju vybitny skulptar Vosip Cadkin, a siarod vykładčykaŭ byŭ dzied brytanskaha fiłosafa Isai Bierlina.
U savieckija i postsavieckija časy ŭ histaryčnych ścienach pracavaŭ haradski radyjotranślacyjny vuzieł. Paśla jaho zakryćcia pomnik architektury pačaŭ zaniepadać. U minułym dziesiacihodździ viciebskija ŭłady nieadnarazova ahučvali hrandyjoznyja płany pa stvareńni tut muzieja Judela Pena i ŭklučeńni budynka ŭ turystyčny muziejny kvartał. Adnak na ambicyjnyja prajekty nie znajšłosia hrošaj.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki2
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary