Kot Łary na hanku Daŭninh-stryt, 10 sustrakaje novaha haspadara FOTAFAKT
«Palityki prychodziać i sychodziać, a katy zastajucca», — napisaŭ Łary ŭ svaim tvitary. Hałoŭny myšałoŭ brytanskaha karaleŭstva pieražyŭ užo šeść premjeraŭ, Biornem — siomy kiraŭnik urada.
Aficyjny kot rezidencyi premjeraŭ Brytanii na Daŭninh-stryt, 10 Łary ŭ paniadziełak, 20 lipienia, sustreŭ svajho siomaha premjer-ministra z taho času, jak 15 hadoŭ tamu pasialiŭsia ŭ rezidencyi kiraŭnika ŭrada Vialikabrytanii.
«Palityki prychodziać i sychodziać, a katy zastajucca», — taki dopis źjaviŭsia ŭ akaŭncie Łary ŭ sacyjalnaj sietcy X, pakul jon čakaŭ prybyćcia novaha premjer-ministra Endzi Biornema.
Z paniadziełka Endzi Biornem źmianiŭ Kira Starmiera na pasadzie premjer-ministra.
Čakajučy novaha haspadara rezidencyi, Łary paviedamiŭ u X, što lubić śniedać a 9:00, ładzić poźni śniadanak (branč) a 10:30 i abiedać apoŭdni, a ŭ pierapynkach častavacca roznymi prysmakami.
"Larry likes his breakfast at 9, brunch at 1030 and lunch at noon with plenty of snacks in between. The rest of the job is a doddle" pic.twitter.com/EBWgLxdlr1
Łary źjaviŭsia na Daŭninh-stryt, 10 (rezidencyja premjera Brytanii) u studzieni 2011 hoda i byŭ pakazany pa telebačańni. Paśla prezientacyi na aficyjnym bryfinhu z 16 lutaha 2011 hoda Łary zaniaŭ pasadu Hałoŭny myšałoŭ Rezidencyi ŭrada Vialikabrytanii (Mouser to the Cabinet Office). Pieršuju myš na Daŭninh-stryt Łary złaviŭ 22 krasavika.
Łary zvyčajna z važnym vidam sustrakaje naviednikaŭ Daŭninh-stryt, časta ihnaruje važnych haściej, i pačuchać jaho — jašče toj kvest.
Jaho papiarednicaj na hetaj pasadzie była kotka Sibił, ale jana pamierła jašče ŭ 2009 hodzie.
Łary pieražyŭ šeść premjeraŭ: Devida Kemierana, Terezu Mej, Borysa Džonsana, Liz Tras, Ryšy Sunaka, Kira Starmiera. Samym doŭhapraciahłym było premjerstva Devida Kemierana — šeść hadoŭ i dva miesiacy, Liz Tras Łary, moža, i nie zapomniŭ — 50 dzion premjerstva.
U Biornemaŭ, darečy, jość sabaka. I heta prablema. Biornemaŭ, nie Łary.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii11
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
Niepochožie, čto radušno vstriečajet, poviernuvšiś zadom
Čałaviek jaki heta zapościŭ pavinien być zvolnieny
[Zredahavana]