Eks-hałoŭnaja redaktarka Kyky.org i eks-kiraŭnica kamunikacyj ofisa Śviatłany Cichanoŭskaj Nasta Rahatko ŭ kancy minułaha hoda vydała knihu «Nasi z saboj» pra palityčnyja kułuary, adnosiny z byłymi i siońniašnimi. Ciapier jana padzialiłasia matematykaj svajho pośpiechu.
Voś, što Nasta raskazała pra svoj dachod.
9 000 jeŭra — dachod ad prodažaŭ u knižnych.
10 500 — heta dachod ad zakazaŭ ź jaje sajta, ale tut uklučana cana dastaŭki.
Jašče kala 200 knih pradali na prezientacyjach za hatoŭku — 4 000 jeŭra.
Vynikova «Nasi z saboj» prynieśli brudnymi 23 500 jeŭra.
Ciapier vydatki.
2 500 jeŭra pajšło na dastaŭku ludziam i kramam.
2 500 jeŭra na pierakłady knihi: poŭny na anhlijskuju i častkovy na polskuju.
Drukavańnie dvuch tyražoŭ pa 1000 asobnikaŭ — 1500 i 1500 jeŭra.
Padrychtoŭka da zapusku: kanvierty, fota i inšaje — 1500 jeŭra.
Jašče 500 jeŭra na padpiski, typu CapCut, Adobe, Readymag — toje, na jakim zrobleny sajt.
I jašče pracent, jaki atrymlivaje partniorka, jakaja razmaŭlaje z knižnymi kramami i zajmajecca adpraŭkami.
Nasta kaža, što praktyčna nie ŭličvaje ceny na kvitki i žyllo ŭ pajezdkach, kali byli prezientacyi i sustrečy, tamu što sumiaščali tury z asabistymi pajezdkami.
Minus 10 000. Zastajecca, pa jaje padlikach, 13 500.
A ciapier padatki. Jak IP jana mieła ilhotu, tamu zapłaciła jašče 1500 jeŭra prykładna padatkaŭ, adpaviedna, zastajecca 12 000 jeŭra.
Knihaj jana zajmałasia paŭtara hoda. Piać miesiacaŭ jaje pisała, čatyry — rychtavała da zapusku, i voś užo 9 miesiacaŭ zajmajecca jaje prasoŭvańniem i prodažami, raspaviała jana.
«Kali ŭ Vikipiedyi jość staronka pra prydurkavataść i advahu, pastaŭcie, kali łaska, tudy maju fatahrafiju», — reziumavała jana.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary
Na takuju staronku na viki varta dadać jeje fota razam z Matolkam. Toj taksama šmat narabiŭ, čaho tolki varty prykład pra adsutnaść elemientarnych naładaŭ biaśpieki dla čata Hajuna, dzie było stolki dadzienych, čym i skarystalisia łukašysty.