Biełaruski bankir uznačaliŭ nacyjanalnuju płaciežnuju sistemu Uźbiekistana
Kaliści Alaksandr Sotnikaŭ raźvivaŭ «Biełkart».
Nacyjanalnaja płaciežnaja sistema Uźbiekistana HUMO pryznačyła svaim novym staršynioj praŭleńnia Alaksandra Sotnikava. Pra heta kampanija paviedamiła 21 lipienia 2026 hoda.
Da hetaha, z maja 2026 hoda, Alaksandr Sotnikaŭ pracavaŭ u HUMO pieršym namieśnikam staršyni praŭleńnia. Jon adkazvaŭ za klučavyja napramki dziejnaści kampanii i realizacyju stratehičnych prajektaŭ pa raźvićci nacyjanalnaj płaciežnaj infrastruktury va Uźbiekistanie.
Sotnikaŭ — śpiecyjalist u halinie płaciežnych technałohij, ličbavaha bankinhu i raźvićcia nacyjanalnych płaciežnych sistem. Jon maje bolš za 25 hadoŭ prafiesijnaha dośviedu.
Da pierachodu ŭ HUMO Alaksandr Sotnikaŭ zajmaŭ kiraŭničyja pasady ŭ bankaŭskaj i płaciežnaj śfierach Biełarusi. Jon uznačalvaŭ AAT «Bankaŭski pracesinhavy centr» — najbujniejšy pracesinhavy centr krainy i apieratar nacyjanalnaj płaciežnaj sistemy «Biełkart». Taksama Sotnikaŭ pracavaŭ namieśnikam staršyni praŭleńnia Biełhazprambanka i ŭ Nacyjanalnym banku Biełarusi, dzie ŭdzielničaŭ u raźvićci nacyjanalnaj płaciežnaj infrastruktury i ŭkaranieńni sučasnych ličbavych finansavych servisaŭ.
HUMO — nacyjanalnaja płaciežnaja sistema Uźbiekistana i adzin z važnych elemientaŭ finansavaj infrastruktury krainy. Jana abjadnoŭvaje banki, biznes i miljony karystalnikaŭ, zabiaśpiečvajučy raźvićcio sučasnych płaciežnych technałohij i ličbavych finansavych servisaŭ.
Pavodle słoŭ Sotnikava, adnoj z hałoŭnych pryčyn dałučycca da HUMO stali ambicyjnyja płany kampanii i jaje imknieńnie da technałahičnaha raźvićcia. Siarod najbolš pierśpiektyŭnych kirunkaŭ jon adznačyŭ raźvićcio intehracyi pamiž płaciežnymi sistemami, vykarystańnie štučnaha intelektu i pašyreńnie mižnarodnaha supracoŭnictva.
Pad kiraŭnictvam Alaksandra Sotnikava HUMO płanuje praciahnuć raźvićcio sučasnaj płaciežnaj ekasistemy, ukaraniać novyja technałahičnyja rašeńni, pašyrać mižnarodnyja partniorstvy i rabić ličbavyja finansavyja pasłuhi bolš dastupnymi dla žycharoŭ, bankaŭ i pradpryjemstvaŭ Uźbiekistana.
«Hrošy nikudy nie padzielisia, ich nichto nie skraŭ». U Bankaŭskim pracesinhavym centry prakamientavali situacyju sa śpisańniem srodkaŭ
U Biełarusi źjaviŭsia novy servis dla anłajn-płaciažoŭ
U Biełarusi možna budzie raźličvacca pa QR-kodzie
Ci pracuje ŭžo novy sposab apłaty ŭ kramach pa QR-kodzie? Žurnalisty pravieryli
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary