Biełaruski advakat Alaksandr Danilevič, asudžany raniej da šaści hadoŭ pazbaŭleńnia voli pa spravie, źviazanaj ź jaho prafiesijnaj dziejnaściu, vyjšaŭ na svabodu. Pra svajo vyzvaleńnie jon paviedamiŭ, apublikavaŭšy fotazdymak na ŭłasnaj staroncy ŭ fejsbuku.
Alaksandra Danileviča zatrymali 20 traŭnia 2022 hoda supracoŭniki KDB na pracoŭnym miescy. Spačatku jaho ŭtrymlivali ŭ SIZA KDB, paśla pieraviali ŭ SIZA №1 u Minsku. Jaho abvinavacili pavodle artykułaŭ ab zaklikach da dziejańniaŭ, jakija, pavodle śledstva, nibyta škodzili nacyjanalnaj biaśpiecy Biełarusi, a taksama ŭ sadziejničańni ekstremisckaj dziejnaści.
Śledstva śćviardžała, što sa žniŭnia 2020 hoda da maja 2022 hoda Danilevič akazvaŭ jurydyčnuju dapamohu pradstaŭnikam Biełaruskaha fondu spartyŭnaj salidarnaści, rychtavaŭ i redahavaŭ zvaroty da zamiežnych kampanij, a taksama davaŭ intervju niezaležnamu spartyŭnamu vydańniu. Sam advakat viny nie pryznaŭ i nastojvaŭ, što dziejničaŭ vyklučna ŭ miežach svajoj prafiesijnaj dziejnaści.
Sudovy praces pačaŭsia ŭ Minskim haradskim sudzie ŭ sakaviku 2023 hoda. Prakuror prasiŭ pryznačyć advakatu dziesiać hadoŭ pazbaŭleńnia voli, adnak 10 krasavika sud pryznačyŭ Danileviču pakarańnie ŭ vyhladzie šaści hadoŭ kałonii ŭzmocnienaha režymu. Apielacyjny sud pakinuŭ prysud bieź źmienaŭ.
Da zatrymańnia Alaksandr Danilevič byŭ viadomym śpiecyjalistam u halinie mižnarodnaha i spartyŭnaha prava. Jon vałodaje niekalkimi zamiežnymi movami, vykładaŭ na fakultecie mižnarodnych adnosin BDU bolš za dvaccać hadoŭ, uznačalvaŭ Biełaruskuju fiederacyju rehbi, uvachodziŭ u mižnarodnyja orhany ŭ śfiery antydopinhavaha prava i prachodziŭ stažyroŭki ŭ Italii, Šviejcaryi i Niderłandach.
Niezadoŭha da zatrymańnia Danilevič padpisaŭ antyvajenny zvarot biełaruskich jurystaŭ suprać vajny va Ukrainie. Paśla hetaha ŭ dačynieńni da jaho raspačali dyscyplinarnuju vytvorčaść u advakatury, a taksama zvolnili ź Biełaruskaha dziaržaŭnaha ŭniviersiteta.
Pakarańnie jon adbyvaŭ u kałonii №17 u Škłovie, a vyjšaŭ na volu raniej za vyznačany prysudam termin. Pakul nieviadoma, stała heta vynikam pamiłavańnia abo jakoha inšaha jurydyčnaha rašeńnia.
Žurnalist Ihar Iljaš sustrakaje za kratami druhi dzień narodzinaŭ. U jaho mocna pahoršyłasia zdaroŭje
Vyjšaŭ na volu palitviazień Alaksiej Sančuk, jaki barabaniŭ na pratestach. Jon całkam adbyŭ šaścihadovy termin
«Vielmi šmat taho, što ja rabiła tady, siońnia ŭžo nie paŭtaryła b». Kaciaryna Andrejeva raskazała, jak pieraasensavała svajo žyćcio
Žurnalista Alesia Lubienčuka paŭtorna asudzili, abviaścili «terarystam» — ale vyzvalili
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary
Hodny čałaviek, afihienny vykładčyk, Juryst ź vialikaj litary Ju - nie toje, što hety pył u pahonach na kalehii Hienprakuratury, jakija na słovy "inahda nie da zakonaŭ" adreahavali ŭzmacnieńniem represij, a nie aryštam haranta parušeńnia usich mahčymych norm prava.