11‑hadovaja dziaŭčynka chacieła ŭratavać baćkoŭ i schavała ich hrošy za haražami
Ašukancy patelefanavali minskaj školnicy, pradstavilisia supracoŭnikami słužby pa absłuhoŭvańni damafonaŭ i pad vyhladam zamieny abstalavańnia vymanili ŭ jaje kod z SMS-paviedamleńnia.
Paśla ź dziaŭčynkaj źviazaŭsia iłžesiłavik, paviedamlaje «Milicyja Minska».
Jon zapałochaŭ dzicia, zajaviŭšy, što jano mižvoli kantaktavała z ašukancami. Kab uzmacnić cisk, surazmoŭca paviedamiŭ, što nibyta dadomu pryjduć ź pieratrusam, kab vyśvietlić, ci nie datyčnyja baćki da dapamohi złačyncam.
Spałochaŭšysia, školnica sabrała ŭsie siamiejnyja źbieražeńni (24 tysiačy rubloŭ u ekvivalencie), pakłała hrošy ŭ pakiet i pakinuła jaho ŭ zahadzia ŭzhodnienym miescy za haražnym kaapieratyvam.
Apieratyŭniki zatrymali kurjera, jaki zabraŭ hrošy. Im byŭ 31‑hadovy minčanin, jaki raniej i sam staŭ achviaraj machlaroŭ: jon pavieryŭ u historyju pra zamienu elektraličylnikaŭ, aformiŭ kredyt na 65 tysiač rubloŭ i pieradaŭ hetyja hrošy ašukancam.
Paśla hetaha, vykonvajučy ŭkazańni svaich «kurataraŭ», mužčyna zabraŭ hrošy ŭ padmanutaj dziaŭčynki i pieradaŭ ich nastupnamu pasredniku.
Kamientary