Milej padtrymaŭ syna Bałsanaru na vybarach u Brazilii. Prezidenta Łułu jon nazvaŭ złodziejem
Brazilija adklikała svajho pasła ŭ Buenas-Ajresie.
Brazilija adklikała svajho pasła ŭ Buenas-Ajresie paśla taho, jak prezident Arhienciny raskrytykavaŭ prezidenta Brazilii, nazvaŭšy jaho «złodziejem» i «asudžanym», piša Bi-bi-si.
Chaŭjer Milej u niadzielu naviedaŭ mitynh u San-Paŭłu, pryśviečany startu prezidenckaj kampanii pravaha kandydata Fłaviu Bałsanaru — syna byłoha prezidenta krainy Žaira Bałsanaru, jaki znachodzicca ŭ turmie. Prezidenckija vybary ŭ Brazilii pavinny adbycca ŭ kastryčniku.
Nie nazyvajučy Łuisa Inasiu Łułu da Siłvu pa imieni, Milej źniavažliva vykazaŭsia pra brazilskaha prezidenta, vystupajučy razam z Fłaviu Bałsanaru. Pry hetym jon zajaviŭ, što mienavita Bałsanaru — adziny, chto moža «spynić Łułu».
Paźniej brazilskija dypłamaty zajavili, što arhiencinski lidar abraziŭ urad Brazilii, jaje narod i jaje demakratyju.
U adkaz u niadzielu Łuła zajaviŭ, što praciahnie kiravać krainaj «biez čyjho-niebudź umiašańnia».
«U Brazilii my nie dazvalajem nikomu ŭmiešvacca ŭ našy ŭnutranyja spravy», — skazaŭ jon.
Pavodle infarmacyi ahienctva AFP, pasoł Brazilii ŭ Arhiencinie Žuliu Biteli pavinien byŭ viarnucca na radzimu ŭ pieryjad ź niadzieli na paniadziełak.
Fłaviu Bałsanaru — syn byłoha prezidenta Brazilii Žaira Bałsanaru, jakoha letaś pryhavaryli da bolš čym 27 hadoŭ pazbaŭleńnia voli za padrychtoŭku dziaržaŭnaha pieravarotu z metaj zachavać uładu paśla parazy na papiarednich vybarach Łule.
Sudździu Viarchoŭnaha suda Brazilii Alešandru de Marajesa, jaki razhladaŭ spravu Žaira Bałsanaru, Milej taksama nazvaŭ «łysym adkidam».
Raniej Marajes admoviŭ Mileju ŭ dazvole naviedać byłoha prezidenta, kali toj znachodziŭsia pad chatnim aryštam u stalicy krainy — Brazilija.
U 2018 hodzie Łułu byŭ pryhavorany da 12 hadoŭ pazbaŭleńnia voli ŭ suviazi z maštabnym karupcyjnym skandałam i spravaj ab atrymańni chabaru, adnak byŭ vyzvaleny paśla taho, jak pravioŭ za kratami krychu bolš za 18 miesiacaŭ.
U 2021 hodzie Viarchoŭny sud anulavaŭ prysudy Łułu, i na prezidenckich vybarach nastupnaha hoda jon ź nievialikaj pieravahaj pieramoh ultrapravaha dziejnaha prezidenta Žaira Bałsanaru, atrymaŭšy 50,9% hałasoŭ.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary