Z sajta MUS źnikła mahčymaść anłajn-pravierki zabarony na vyjezd ź Biełarusi
Na sajcie Ministerstva ŭnutranych spraŭ Biełarusi bolš niedastupny servis, jaki dazvalaŭ pravieryć, ci dziejničaje ŭ dačynieńni da čałavieka časovaje abmiežavańnie na vyjezd z krainy, piša «Anłajnier».
U MUS rastłumačyli, što heta nie źviazana z techničnym zbojem. Pryčynaj stali źmianieńni ŭ paradku pracy banka danych hramadzian, prava na vyjezd jakich časova abmiežavana.
Raniej viedamstva paviedamlała pra ŭkaz, jaki ŭdaskanalvaje rabotu hetaha banka danych. Dakumient rehuluje abmien infarmacyjaj pamiž MUS i inšymi dziaržaŭnymi orhanami, jakija mohuć prymać rašeńni ab časovaj zabaronie na vyjezd. Taksama jon uvodzić novyja patrabavańni da abarony infarmacyi, što zachoŭvajecca ŭ bazie.
Jak i raniej, u banku danych utrymlivajucca źviestki pra hramadzian, jakim časova zabaronieny vyjezd ź Biełarusi, pra admienu abo prypynieńnie takich abmiežavańniaŭ, a taksama infarmacyja, jakaja tyčycca vyjezdu niepaŭnaletnich za miažu na padstavie sudovych rašeńniaŭ.
Ciapier pravieryć najaŭnaść abmiežavańniaŭ praź internet niemahčyma. Dla atrymańnia takoj infarmacyi nieabchodna asabista źviarnucca ŭ padraździaleńnie pa hramadzianstvie i mihracyi pa miescy žycharstva. Pavodle MUS, adkaz pavinny dać na praciahu adnaho pracoŭnaha dnia.
Mianiajecca praca banka danych biełarusaŭ, jakim zabaronieny vyjezd za miažu
«Raspytvali pra finansavańnie z-za miažy». Režysior Andrej Kudzinienka raskazaŭ pra pieratrusy, KDB i ŭcioki biez pašparta
Estoniec vykraŭ u svajoj byłoj žonki-biełaruski dačku. Prapahanda paprakaje: nie treba było rabić dziciaci estonski pašpart
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary
Vidavočna dla čaho heta robicca: kali ty cikavišsia, ci nie zabaranili tabie vyjezd za miažu, MUSaram varta pacikavicca, ci nie dasyłaŭ ty niešta "Hajunu" abo ci nie pisaŭ kamientaroŭ typu "łukašenka - złačynca"
Zaraz nieviadoma, ci pojduć nahami ŭ RAUS tyja, chto raniej traciŭ na pravierku 5 chvilin. Mabyć, tolki tyja, chto ŭžo złaviŭ admovu na miažy raniej i zhubiŭ čas na hetym.
"Palityčnym" ža stała składaniej.
Zastajecca jašče mahčymaść pravieryć siabie pa rasiejskich śpisach, jakija niejak vyciahvaje i publikuje Miedyjazona.
Ale tam nie ŭsie biełarusy.
Raniej, kali apublikavali pastanovu, ja źviartaŭ uvahu, što pravierka praz sajt zastałasia nieŭrehulavanaj, u "šeraj zonie": prama nie dazvolena, ale i prama nie zabaroniena.
Voś i prybrali.
Pra pryčynu chłusiać: novy paradak pracy nie prymušaje zabaranić pravierku praz sajt.
Pry hetym prybrali i zapasnuju mahčymaść pravieryć praz konsulstva (naprykład, dla emihrantaŭ, jakija žadajuć časova zajechać u RB).
Prybrali i ahavorku "hramadzianin nie abaviazan tłumačyć mety svajho zvarotu".
I vielmi złuje lanota, adsutnaść adkaznaści biełaruskich ŚMI, jakija (tady minimum 4 ŚMI) ślepa skapiravali pres-reliz administracyi t.zv. prezidenta, jaki padmanvaŭ pra źmieny ŭ pastanovie.
I heta na 7 hod novaj chvali represij.