З сайта МУС знікла магчымасць анлайн-праверкі забароны на выезд з Беларусі
На сайце Міністэрства ўнутраных спраў Беларусі больш недаступны сэрвіс, які дазваляў праверыць, ці дзейнічае ў дачыненні да чалавека часовае абмежаванне на выезд з краіны, піша «Анлайнер».
У МУС растлумачылі, што гэта не звязана з тэхнічным збоем. Прычынай сталі змяненні ў парадку працы банка даных грамадзян, права на выезд якіх часова абмежавана.
Раней ведамства паведамляла пра ўказ, які ўдасканальвае работу гэтага банка даных. Дакумент рэгулюе абмен інфармацыяй паміж МУС і іншымі дзяржаўнымі органамі, якія могуць прымаць рашэнні аб часовай забароне на выезд. Таксама ён уводзіць новыя патрабаванні да абароны інфармацыі, што захоўваецца ў базе.
Як і раней, у банку даных утрымліваюцца звесткі пра грамадзян, якім часова забаронены выезд з Беларусі, пра адмену або прыпыненне такіх абмежаванняў, а таксама інфармацыя, якая тычыцца выезду непаўналетніх за мяжу на падставе судовых рашэнняў.
Цяпер праверыць наяўнасць абмежаванняў праз інтэрнэт немагчыма. Для атрымання такой інфармацыі неабходна асабіста звярнуцца ў падраздзяленне па грамадзянстве і міграцыі па месцы жыхарства. Паводле МУС, адказ павінны даць на працягу аднаго працоўнага дня.
Мяняецца праца банка даных беларусаў, якім забаронены выезд за мяжу
«Распытвалі пра фінансаванне з-за мяжы». Рэжысёр Андрэй Кудзіненка расказаў пра ператрусы, КДБ і ўцёкі без пашпарта
Эстонец выкраў у сваёй былой жонкі-беларускі дачку. Прапаганда папракае: не трэба было рабіць дзіцяці эстонскі пашпарт
Каментары
Відавочна для чаго гэта робіцца: калі ты цікавішся, ці не забаранілі табе выезд за мяжу, МУСарам варта пацікавіцца, ці не дасылаў ты нешта "Гаюну" або ці не пісаў каментароў тыпу "лукашэнка - злачынца"
Зараз невядома, ці пойдуць нагамі ў РАУС тыя, хто раней траціў на праверку 5 хвілін. Мабыць, толькі тыя, хто ўжо злавіў адмову на мяжы раней і згубіў час на гэтым.
"Палітычным" жа стала складаней.
Застаецца яшчэ магчымасць праверыць сябе па расейскіх спісах, якія неяк выцягвае і публікуе Медыязона.
Але там не ўсе беларусы.
Раней, калі апублікавалі пастанову, я звяртаў увагу, што праверка праз сайт засталася неўрэгуляванай, у "шэрай зоне": прама не дазволена, але і прама не забаронена.
Вось і прыбралі.
Пра прычыну хлусяць: новы парадак працы не прымушае забараніць праверку праз сайт.
Пры гэтым прыбралі і запасную магчымасць праверыць праз консульства (напрыклад, для эмігрантаў, якія жадаюць часова заехаць у РБ).
Прыбралі і агаворку "грамадзянін не абавязан тлумачыць мэты свайго звароту".
І вельмі злуе лянота, адсутнасць адказнасці беларускіх СМІ, якія (тады мінімум 4 СМІ) слепа скапіравалі прэс-рэліз адміністрацыі т.зв. прэзідэнта, які падманваў пра змены ў пастанове.
І гэта на 7 год новай хвалі рэпрэсій.