Čakałasia, što budzie vybrana stalica — Safija.
Piesienny konkurs «Jeŭrabačańnie-2027» projdzie 11—15 maja 2027 hoda na čarnamorskim uźbiarežžy Bałharyi, u horadzie Burhas, paviedamili Jeŭrapiejski viaščalny sajuz i Bałharskaje nacyjanalnaje telebačańnie.
U mai hetaha hoda «Jeŭrabačańnie» prachodziła ŭ Vienie. Jaho pieramahła bałharskaja śpiavačka Dara z zapalnym tancavalnym chitom «Bangaranga». Heta była pieršaja pieramoha krainy na hetym konkursie, nahadvaje Bi-bi-si.
Dyrektar konkursu Marcin Hryn zajaviŭ, što «ŭ zachapleńni» ad vybaru miesca praviadzieńnia, dadaŭšy, što Burhas «pryviadzie z saboj niešta sapraŭdy asablivaje» ŭ hety konkurs.
Konkurs, uklučajučy repietycyi, paŭfinały i hrand-finał, projdzie ŭ najnoŭšym spartyŭna-zabaŭlalnym kompleksie Arena Burgas, adkrytym u 2023 hodzie.
«Heta ažyŭleny, haścinny horad na Čornym mory z mocnaj muzyčnaj i kulturnaj samabytnaściu, i ŭ jaho jość ambicyi, infrastruktura i zapał, nieabchodnyja dla taho, kab pryniać siamju «Jeŭrabačańnia»», — ličyć Hryn.
Burhas — druhi pa vieličyni horad na čarnamorskim uźbiarežžy Bałharyi (paśla Varny). Jaho vybrali pa šerahu pryčyn, u tym liku z-za kolkaści miescaŭ dla adpačynku i hatelaŭ, transpartnaj dastupnaści i mahčymaści dabracca tudy ź inšych krain.
Dla niekatorych stała niečakanaściu, što konkurs projdzie mienavita tam, a nie ŭ Safii, stalicy Bałharyi.
Ciapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami11
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary