Žychar amierykanskaha štata Ilinojs sarvaŭ džekpot Powerball u $1,04 młrd — heta najbujniejšy łatarejny vyjhryš u ZŠA sioleta. Adnak paśla vypłaty padatkaŭ pieramožcu zastaniecca mienš za $300 młn, kali jon abiare adnarazovuju vypłatu, piša Forbes.
U sieradu ŭviečary ŭ łatarei Powerball vypaŭ džekpot u $1,04 młrd. Pieramožny bilet kupiŭ hulec ź Ilinojsa.
Pieramožcu ciapier prapanujuć dva varyjanty: atrymać usiu sumu na praciahu 30 hadoŭ abo zabrać adnarazovuju vypłatu sumaj $450,5 młn. Bolšaść pieramožcaŭ vybiraje druhi varyjant.
Adnak $450,5 młn — jašče nie taja suma, jakaja apyniecca na rachunku pieramožcy. Spačatku ź jaje ŭtrymajuć abaviazkovyja 24% fiederalnaha padatku, i vypłata skarocicca prykładna da $342,4 młn.
Paśla hetaha pieramožcu, vierahodna, daviadziecca zapłacić padatak pa najvyšejšaj fiederalnaj staŭcy — 37%. U vyniku paśla fiederalnych padatkaŭ ad adnarazovaj vypłaty zastaniecca kala $283,8 młn.
Dadatkovy padatak spahaniaje i štat Ilinojs. Tam vyjhryšy ŭ łatareju abkładajucca pa staŭcy 4,95%. Dla adnarazovaj vypłaty heta kala $22,3 młn, jakija taksama buduć utrymanyja pry atrymańni pryzavych.
Kali ž pieramožca addaść pieravahu 30‑hadovym vypłatam, to štohod jon budzie atrymlivać kala $34,7 młn da vypłaty fiederalnych padatkaŭ. Paśla prymianieńnia staŭki 37% heta składzie prykładna $21,8 młn na hod, biez uliku padatku štata.
Hety džekpot staŭ najbujniejšym łatarejnym vyjhryšam u ZŠA ŭ 2026 hodzie. Šancy na taki vyjhryš nadzvyčaj małyja — 1 da 292,2 młn.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci6
Kamientary