Siońnia dźvie biełaruskija futbolnyja kamandy praviali matčy ŭ adkaz u trecim kvalifikacyjnym raŭndzie Lihi čempijonaŭ, i dla abiedźviuch jany skončylisia z takim vynikam, jaki aznačaŭ ich sychod z dystancyi.
Minskaje «Dynama», prajhraŭšy pieršy matč partuhalskaj «Brazie» 0:1, siońnia abaviazanaje było vyjhravać, ale zrabić hetaha nie zdoleli.
U pieršym tajmie minčuki nie nanieśli nivodnaha ŭdaru ŭ stvor varot, u druhim hulali krychu bolš aktyŭna, ale zabić tak i nie zdoleli.
U vyniku matč zaviaršyŭsia z nulami na tabło, to-bok u ahulnym vyniku na karyść «Brahi».
«MŁ Viciebsk» hulaŭ matč u adkaz z baśnijskim «Boracam» z Bania-Łuki ŭ Lizie kanfierencyj. Bolšaja častka matču prachodziła ź pieravahaj viciablan. Čempijony Biełarusi ŭzmacniali cisk u kancoŭkach tajmaŭ i dvojčy heta prynosiła vynik.
Pierad pieršym pierapynkam Deniljo Kleanize paraziŭ varoty «Boraca». Lik 1:0 nie źmianiŭsia da kanca druhoha tajma.
Pakolki «MŁ Viciebsk» u pieršaj hulni prajhraŭ, sudździa pryznačyŭ dadatkovy čas. U startavyja piatnaccać chvilin «Borac» zraŭniaŭ lik u hulni, ale ŭ kancoŭcy dadatkovaha času Arciom Kancavy znoŭ vyvieŭ napierad «MŁ Viciebsk».
Hulniavy čas skončyŭsia ź likam 2:1, a dla vyjaŭleńnia pieramožcy dvuchmatčavaha supraćstajańnia była pryznačanaja sieryja pienalci. U joj hulcy MŁ «Viciebsk» Siłas Hnaka i Kirył Homanaŭ nie realizavali dva ŭdary, u toj čas jak sapiernik usie sproby vykanaŭ dakładna.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary