Suzasnavalnica «Makiej» sychodzić z kampanii i zasiarodzicca na ŭłasnym brendzie
Kreatyŭnaja dyrektarka i suzasnavalnica hrodzienskaj kampanii «Makiej» Łarysa Makiej sychodzić ź siamiejnaha biznesu. Ciapier jana maje namier całkam zasiarodzicca na raźvićci ŭłasnaha brenda L’epatage, jaki stvaraje razam z dačkoj Darjaj, piša Hrodna.life.
Historyja hrodzienskaha brenda skurhałantarei «Makiej» pačałasia ŭ 1990 hodzie ź nievialikaj siamiejnaj majsterni. Pavodle słoŭ ułaśnika kampanii Vitala Makieja, usio pačałosia sa skuranoha błoknota, jaki sužency zrabili ŭ padarunak siabram.
«Praź niejki čas sustrakaju ich, a jany kažuć: «Tak pryhoža, što vaš padarunak dahetul upryhožvaje naš stoł». I tady ja padumaŭ — možna adnavić narodnyja promysły i pasprabavać viarnuć staryja tradycyi. Ničoha novaha my nie prydumali — prosta viarnulisia da starych vytokaŭ», — uzhadvaŭ Vital Makiej.
Pakłapacicca pra vytvorčaść napačatku dapamahali tolki svajaki: maci Vitala zajmałasia raskrojem skury, Łarysa adkazvała za dyzajn, a brat dapamahaŭ z vytvorčaściu.
Za try dziesiacihodździ siamiejnaja sprava vyrasła ŭ bujnuju kampaniju z bolš čym 300 supracoŭnikami. Siońnia pradukcyja «Makiej» pradajecca ŭ Biełarusi, Rasii, Litvie, Polščy, Čechii, Vialikabrytanii i inšych krainach. Z 2008 hoda kampanija źjaŭlajecca rezidentam SEZ.
Kampanija vypuskaje skuranuju hałantareju i dziełavyja aksesuary, pradmiety interjeru i aŭtarskija suvieniry. Łarysa Makiej z momantu zasnavańnia kampanii adkazvała za raspracoŭku dyzajnu i ŭsioj liniejki aksesuaraŭ.
Brend L'epatage Łarysa Makiej stvaryła razam z dačkoj Darjaj, jakaja taksama dałučyłasia da siamiejnaj spravy. Novy prajekt zadumvaŭsia jak bolš śmieły i kanceptualny kirunak, jaki adroźnivajecca ad kłasičnaha stylu «Makiej».
U asnovie kalekcyj L'epatage — žanočyja skuranyja karsety, baski i akcentnyja aksesuary.
Ciapier, jak paviedamlajecca ŭ sacyjalnych sietkach hetaha brenda, Łarysa Makiej całkam zasiarodzicca na tvorčaj pracy ŭ L'epatage i dalejšym pašyreńni jaho kalekcyj. Pavodle słoŭ kamandy prajekta, heta dazvolić raźvivać novy kirunak biez abmiežavańniaŭ, źviazanych z estetykaj kłasičnaha brenda.
«Jeŭratorh» zapuściŭ novy farmat kram «kala doma»
MTBank kaśmietyčna źmianiŭ nazvu
«Sała z chlebam i krab ź ikroj mohuć być adnolkava smačnymi». Pra hety restaran havoryć uvieś Instagram
Mark Formelle upieršyniu vypuściŭ adzieńnie dla sabak i katoŭ
Piakarnia Brioche zakryvaje svaju ŭstanovu ŭ Novaj Baravoj
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci47
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary