Jany pavinny vyjści ŭ pieršaj pałovie vieraśnia.
Navinki buduć najpierš pradavacca ŭ varšaŭskaj afłajn kniharni Kamunikat.shop u Centry biełaruskaj salidarnaści na vulicy Aleandraŭ 6/2 (ul. Oleandrów 6/2), piša bellit.info.
Adna z navinak — kniha vieršaŭ Źmitra Dziadzienki «#Kab nie sr@li hałuby», jakaja składajecca ź dźviuch častak. Pieršaja, adnajmiennaja, jość svojeasablivym sacyjalna-palityčnym letapisam. Heta vieršavanyja vodhuki na samyja raznastajnyja padziei ŭ krainie i pa-za miežami jaje: «Čarhovaja devalvacyja, padzieńnie korpusa reaktara, aryšt dyrektara «Urałkaliju» — naviny dajuć bieźlič matyvaŭ dla natchnieńnia», — tłumačyć aŭtar dla «Jeŭraradyjo».
U druhuju častku, «Słaŭny rycar», uvajšli iraničnyja i satyryčnyja vieršy, nie pryviazanyja da kankretnych padziej.
Zapłanavana taksama pieravydańnie knihi Anety Prymaka-Onišk «Biežanstva 1915. Zabytyja ŭciekačy».
Treciaja navinka ad vydaviectva — druhoje dapoŭnienaje vydańnie manahrafii Viktara Šadurskaha «Naradžeńnie biełaruskaha levijafana» pra sacyjalnyja i palityčnyja źmieny ŭ Biełarusi ŭ pieryjad z 1991 da 1996 hoda.
Kamientary