Zialenski: Kali my chočam razvalić krainu, to možam ruchacca ŭ napramku vybaraŭ
Prezident Ukrainy prakamientavaŭ mahčymaść praviadzieńnia vybaraŭ padčas vajny.
Pavodle jaho słoŭ, jany mohuć «razvalić krainu» i vyklikać raskoł u hramadstvie. Pra heta jon raspavioŭ padčas razmovy z žurnalistami, piša «Suśpilnie».
«Nas užo padšturchoŭvali da vybaraŭ padčas takoj vajny z roznych bakoŭ. Prykładna hod tamu była takaja chvala. Maja pazicyja była dakładnaj — kali partniory prapanujuć nam kankretnyja ŭmovy, pry jakich možna biaśpiečna, lehitymna i demakratyčna pravieści vybary va Ukrainie — z udziełam vajskoŭcaŭ, na pryfrantavych terytoryjach, za miažoj, kudy vyjechali miljony našych hramadzian, ratujučysia ad vajny, biaśpiečna — heta značyć biez udaraŭ i abstrełaŭ, — to davajcie heta abmiarkoŭvać», — skazaŭ Zialenski.
Tady, pavodle jaho słoŭ, nivodzin z zachodnich partnioraŭ nie pradstaviŭ kankretnych prapanoŭ, jakija harantavali b biaśpieku padčas vybaraŭ. Zialenski dadaŭ, što heta niemahčyma, pakul Pucin «nie choča iści na lubyja varyjanty spynieńnia ahniu».
«Ja liču, što padčas takoj vajny vybary ŭ cełym — heta vialikija ryzyki. Vybary prosta zaraz — heta cunami dla dziaržavy, jakoje raskole Ukrainu. Tamu maja stratehija — davieści krainu da zakančeńnia vajny i zachavać niezaležnuju i suvierennuju dziaržavu. I ja jaje vykonvaju», — dadaŭ Zialenski.
Niadaŭna, były ministr abarony Ukrainy Michaił Fiodaraŭ zaklikaŭ pravieści vybary.
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior20
Kamientary
Ischodia iz etoho - kakije nafik vybory?