Dačka Iłana Maska stała tvaram pravakacyjnaj kampanii suprać štučnaha intelektu
22‑hadovaja Vivijan Uiłsan, starejšaja dačka pradprymalnika Iłana Maska, ź jakoj jon nie padtrymlivaje adnosin, stała hałoŭnaj hierainiaj novaj rekłamnaj kampanii ispanskaha modnaha brendu Desigual. Kampanija atrymała nazvu Born to Disobey («Narodžanaja nie padparadkoŭvacca») i skiravanaja suprać praźmiernaha vykarystańnia štučnaha intelektu, piša Euronews.
U adnym z rolikaŭ Vivijan vykarystoŭvaje robata zamiest padstaŭki dla miača ŭ holfie, vyhulvaje jaho na pavadku i sprabuje navučyć vymaŭlać nazvu brendu Desigual. Robat uvieś čas daje zboj, paśla čaho hierainia robić vysnovu: niekatoryja rečy nie treba sprabavać vypraŭlać.
Stvaralniki kampanii tłumačać jaje ideju tym, što sučasny bunt — heta nie abaviazkova baraćba ź sistemaj. Časam, pavodle ich mierkavańnia, sapraŭdnym pratestam stanovicca admova ŭdzielničać u joj i prava zastavacca saboj.
U intervju Vivijan zajaviła, što chacieła vykazać svajo staŭleńnie da ŭpłyvu ŠI na modu. Jana ličyć, što štučny intelekt moža pazbaŭlać pracy talenavitych pradstaŭnikoŭ tvorčych prafiesij i niehatyŭna ŭpłyvać na navakolnaje asiarodździe.
Pavodle jaje słoŭ, mastactva zasnavanaje na čałaviečych emocyjach i samavyjaŭleńni, tady jak ŠI, na jaje dumku, zamianiaje ŭłasnuju tvorčuju zadumu vykarystańniem užo najaŭnych vobrazaŭ, formaŭ i koleraŭ.
Publičnaja krytyka štučnaha intelektu nabyvaje dadatkovy sens praz adnosiny Vivijan ź jaje baćkam. Jak viadoma, Iłan Mask aktyŭna raźvivaje technałohii ŠI i robatatechniku, u tym liku humanoidnaha robata Optimus.
Vivijan naradziłasia ŭ 2004 hodzie ŭ šlubie Maska z Džaścin Uiłsan. U 16 hadoŭ jana pačała hiendarny pierachod. Paśla paŭnalećcia praz sud dziaŭčyna atrymała prava ŭziać proźvišča maci i zajaviła pra žadańnie całkam dystancyjavacca ad baćki. Mask, u svaju čarhu, publična krytykavaŭ dačku i śćviardžaŭ, što jana stała prychilnicaj woke-ideałohii.
Tamu słohany z rekłamnaj kampanii — «Jon stvorany, kab padparadkoŭvacca. Ja — nie» i «Niekatoryja rečy nie treba vypraŭlać» — usprymajucca nie tolki jak krytyka ŠI, ale i jak mahčymyja namioki na asabisty kanflikt Vivijan z baćkam.
Asobnuju ŭvahu pryciahnuŭ robat DESI84 z rekłamnaha rolika. Jon nahadvaje robata Optimus ad Tesla, što dadało kampanii jašče adzin iraničny płast.
Raniej Vivijan taksama publična kamientavała skandały vakoł baćki. U pryvatnaści, jana krytykavała abmierkavańnie dziŭnaha žestu Maska na inaŭhuracyi Donalda Trampa i vyśmiejvała sproby rastłumačyć jaho pavodziny aŭtyzmam.
Tesla vypuściła na vulicy robataksi biez rula i piedalaŭ. Ci navažacca ludzi ŭ ich sieści?
Mask, u jakoha 13 dziaciej, papiaredziŭ pra pahrozu źniknieńnia čałaviectva
«Zabojca Vikipiedyi» ad Iłana Maska ŭsio? Grokipedia pierastała abnaŭlacca
Mask spadziajecca vysadzić čałavieka na Marsie ŭžo praz 5‑7 hadoŭ
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
jak kazaŭ stanisłaŭski - nie vieru. mana-mana-mana. ,,niabiosnaja,,